Muzlatgichlarni “O‘rikzor”da qayta sotish rejasi ish bermadi

  • Jamiyat
  • 26-03-2018, 16:45
  • 1 188
  • Музлатгичларни “Ўрикзор”да қайта сотиш режаси иш бермади
    Toshkent viloyati bojxona boshqarmasi Kontrabandaga qarshi kurashish bo‘limi xodimlari tomonidan A.A. boshqaruvidagi “Gaz” rusumli yuk avtoulovi “Uch qahramon” YPX maskanida xolislar ishtirokida ko‘zdan kechirilganida, mazkur yuk mashinasi yukxonasida hech qanday hujjatlari bo‘lmagan, umumiy narxi 40 200 000 so‘mlik 19 dona turli rusumdagi muzlatgich hamda 4 dona konditsioner borligi aniqlandi. Bu haqda Davlat bojxona qo‘mitasi axborot xizmati xabar qilmoqda.

    Haydovchi A.A. ushbu maishiy texnikalarni Toshkent shahri “O‘rikzor” savdo majmuasiga olib borib, fuqaro Sh.M.ga yetkazib berishi kerakligi ma’lum bo‘ldi.

    Ushbu mahsulotlar “G‘ishtko‘prik” chegara bojxona kompleksi orqali tashmachilar ko‘magidan foydalangan holda mamlakat hududida qayta sotish maqsadida olib kirilganligi aniqlangan.

    Hozirda ushbu holat yuzasidan tegishli hujjatlar rasmiylashtirilib, tekshiruv harakatlari davom ettirilmoqda.

    » » Muzlatgichlarni “O‘rikzor”da qayta sotish rejasi ish bermadi
    Яндекс.Метрика