Vladimir Putin kuzda O‘zbekistonga tashrif buyuradi

  • Jamiyat
  • 28-03-2018, 13:57
  • 996
  • Владимир Путин кузда Ўзбекистонга ташриф буюради
    Prezident «Tinchlik jarayoni, xavfsizlik sohasida hamkorlik va mintaqaviy sheriklik» mavzusidagi xalqaro konferensiyada ishtirok etish uchun kelgan Rossiya tashqi ishlar vaziri Sergey Lavrovni qabul qildi. Bu haqda Prezident matbuot xizmati xabar berdi.

    O‘zbekiston Prezidenti Rossiya Federatsiyasi tashqi ishlar vaziri Sergey Lavrov bilan uchrashuvda O‘zbekiston va Rossiya o‘rtasidagi strategik sheriklik va ittifoqchilik munosabatlari yuqori sur’at bilan rivojlanib, izchil mustahkamlanayotganini alohida ta’kidladi.

    So‘nggi yillarda ikki tomonlama hamkorlik aniq amaliy mazmun bilan boyigani qayd etildi. O‘zaro savdo hajmi ortib bormoqda, muhim sarmoyaviy loyihalar bajarilyapti, ishbilarmon doiralar va mintaqalar o‘rtasidagi kooperatsiya aloqalari kuchaymoqda. Ta’lim, ilmiy-texnikaviy va madaniy-gumanitar almashinuvga oid yangi dasturlar amalga oshirilmoqda.

    Joriy yilning kuzida kutilayotgan Rossiya Federatsiyasi Prezidentining O‘zbekiston Respublikasiga davlat tashrifiga tayyorgarlik jarayonlari ko‘rib chiqildi.

    Shuningdek, xalqaro va mintaqaviy siyosatning dolzarb masalalari muhokama qilindi.

    Яндекс.Метрика