Jahongir Ortiqxo‘jayev (markazda) va Olmazorning yangi hokimi Baxtiyor Rahmonov (o‘ngda).
Foto: «Kun.uz»
Toshkentning har bir yeri markazga aylanishi kerak. Bu haqda shahar hokimi vazifasini bajaruvchi Jahongir Ortiqxo‘jayev Olmazor tumanining yangi hokimini tanishtirish jarayonida aytib o‘tdi, deya xabar bermoqda «Kun.uz».
12 may kuni Toshkentning uchta tumani hokimlari o‘zgardi. Xususan, shu vaqtgacha Sergeli tumaniga hokimlik qilib kelgan Baxtiyor Rahmonov endi Olmazor tumaniga rahbarlik qiladi. Shu munosabat bilan tashkil etilgan yig‘ilishda Jahongir Ortiqxo‘jayev ham qatnashgan.
Uning fikricha, shahar chet eldan kelgan mehmonlar uchun qanchalik qulay bo‘lsa, shaharning doimiy aholisi uchun ikki barobar qulay ko‘rinish oladi.
«Chet eldan kelgan mehmon Toshkentning markazini qidirib topa olmasligi kerak — u qayerga borsa, o‘sha yerni markazga aylantirish kerak. Agarda chet eldan kelgan mehmon o‘zini qulay his qilsa, mahalliy aholi o‘zini ikki barobar qulay his etadi», — degan u.
Ortiqxo‘jayevning qayd etishicha, uning uchun hokimlik — azob, hokim etib tayinlanguniga qadar «maza qilib yashab yurgan» edi.
«To‘g‘risi, yoshligimdan tadbirkorlik bilan shug‘ullanganim bilan, xalqqa ham foydamiz tegishi kerak. Qo‘limizdan kelgancha harakat qilib keldik. Men aytmoqchi bo‘lgan narsa – menga ham bu hokimlik azob. To‘g‘risini aytaman, maza qilib yashab yurgan edim. Ammo men shu sohaga qiziqyapman va Toshkent shahri xalqiga astoydil xizmat qilaman», — deb aytgan Jahongir Ortiqxo‘jayev.
«Akfa» kompaniyalar guruhi asoschisi, «Artel» kompaniyasi rahbari hisoblangan Jahongir Ortiqxo‘jayev 26 aprel kuni Toshkent shahar hokimi vazifasini bajaruvchi etib tayinlangan edi.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!