Foto: «Pikabu». Illyustrativ surat
Xalq ta’lim vazirligi tomonidan ishlab chiqilgan «Umumiy o‘rta ta’lim muassasalari o‘quvchilarini zamonaviy maktab formasi bilan ta’minlash chora-tadbirlari to‘g‘risida»gi qaror loyihasi umumxalq muhokamasiga qo‘yildi.
Loyiha bilan o‘quvchilarning umumiy o‘rta ta’lim muassasasiga maktab formasida kelishlari majburiy hisoblanishini belgilash nazarda tutilmoqda. Bundan tashqari, qaror bilan o‘quvchilarga maktab formasini kiyishda qo‘yiladigan quyidagi talablar ko‘rsatib o‘tilgan:
— kiyimlarning o‘ta tor yoki o‘ta keng bichimda bo‘lmasligi;
— qizlar uchun yubkaning tizzadan yuqori bo‘lmasligi;
— oyoq kiyimlar poshnasining 3 santimetrdan baland bo‘lmasligi;
— ko‘ylakning eng yuqoridagi faqat bitta tugmasidan tashqari tugmalarning qadalgan bo‘lishi;
— kiyimlarning toza va dazmollangan bo‘lishi.
Ob-havo sharoitidan kelib chiqib, o‘quvchilar maktab formasining nimchasini yoki kostyumini, ko‘ylakning yengi uzun yoki qisqa shaklini ixtiyoriy ravishda kiyishlari mumkin.
Shuningdek, o‘quvchilar ta’lim muassasasi binosi ichida bosh kiyimsiz yurishlari lozim, ta’lim muassasasida o‘tkaziladigan turli tadbirlar jarayoni bundan mustasno.
Ta’lim muassasasi tomonidan tanlangan maktab formasi namunaviy shaklining 1-4-sinflari (boshlang‘ich), 5-8-sinflari (o‘rta) va 9-11-sinflari (yuqori) bo‘yicha rangli rasmlari va texnik ko‘rsatkichlari — matoning tarkibi va rangi haqidagi ma’lumotlar ta’lim muassasasining barchaga ko‘rinarli joyiga osib qo‘yiladi.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Germaniyaning Knauf kompaniyasi Rossiyadan butunlay chiqib ketishini tasdiqladi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Shveysariya prezidenti Putinga maktub yo‘lladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Futzal. Osiyo Kubogi. Tojikiston Yaponiyani guruhda qoldirdi
O‘zbekistonda o‘tgan uch oyda qancha avtomobil ishlab chiqarilgan?