“Kun.uz” manbasining xabar berishicha, bugun Prezidentning jamoat va diniy tashkilotlar bilan hamkorlik qilish masalalari boʻyicha maslahatchisi Rustam Qosimov raisligida yigʻilish oʻtkazilgan. Yigʻilishda Neʼmatulla Ibragimov akademiya rektorligidan ketgani maʼlum qilinib, Shuhrat Akmalovich Yovqochev yangi rektor sifatida tanishtirilgan.
Uzoq yillar Sharqshunoslik institutiga rahbarlik qilib kelgan Neʼmatulla Ibragimov shu yilning aprelida tashkil etilgan akademiyaga birinchi rektor etib tayinlangandi. U nima sababdan 4 oy ichida lavozimdan olingani maʼlum emas.
Endilikda xalqaro islom akademiyasining yangi rahbariga aylangan Shuhrat Yovqochev 1964 yilda Toshkent shahrida tugʻilgan, 1988 yilda ToshDU (hozirgi OʻzMU)ning sharqshunoslik fakultetini tamomlagan, 1993 yilda Misr tashqi ishlar vazirligi qoshidagi Diplomatiya akademiyasi diplomini olgan. Mutaxassisligi - sharqshunos va filolog. Siyosiy fanlar doktori, professor.
U 1986 yildan 1990 yilgacha Liviyada arab tili tarjimoni boʻlib ishlagan, keyinroq Oʻzbekiston Tashqi ishlar vazirligida turli lavozimlarda faoliyat koʻrsatgan, 1999-2004 yillarda Toshkent davlat sharqshunoslik institutida dars bergan. 2004-2005 yillarda Oʻzbekiston Respublikasi Prezidenti huzuridagi strategik va mintaqalararo tadqiqotlar institutida direktor, 2005-2006 yillarda Oʻzbekiston Prezidentining millatlararo munosabatlar va din masalalari boʻyicha davlat maslahatchisi boʻlgan, 2006-2007 yillarda Vazirlar Mahkamasi huzuridagi Toshkent Islom universitetiga rektorlik qilgan.
2007 yildan Toshkent davlat sharqshunoslik institutida jahon siyosati kafedrasiga mudirlik qilgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH elchisi: “Rossiya Ukraina poytaxtiga gipertovushli raketalar bilan zarba berdi”
Erdo‘g‘on terrorchilar haqida keskin gapirdi
Rossiya qo‘shinlari Avdeyevkadagi ikkita qishloqni egallab oldi
AQSH rasmiylari: Millionlab amerikaliklar xitoylik hakerlar hujumiga uchragan
Moskvadagi terakt bo‘yicha yana uch kishi ushlandi
Har kuni kechqurun piyoda yurish organizmda qanday o‘zgarishlarga sabab bo‘ladi?
Suvni tik turgan holda ichish mumkin emasligi ilmiy jihatdan isbotlandi
Rossiya Ukrainaning harbiy dron yig‘uv inshootlarini yo‘q qildi