"Barselona" Neymarga yiliga 15 mln evrodan ortiq maosh to‘lamoqchi emas

  • 22 iyun 2016, 13:41
  • 3 676
  • Sport
  • "Barselona" Neymarga yiliga 15 mln evrodan ortiq maosh to‘lamoqchi emas

    "Barselona" hujumchi Neymar bilan shartnoma uzaytirilsa yiliga qancha maosh to‘lash borasida yakuniy qarorga keldi.

    Championat.Asia xabar berishicha, kataloniyaliklar rahbariyati 24 yoshli futbolchiga yiliga 15 milliondan ortiq maosh bermoqchi emas. "Barselona" mutasaddilari Neymarni jamoaning Lionel Messidan keyingi o‘rinda turuvchi ikkinchi yulduzi deb biladi.

    Avvalroq, "Real" hujumchiga 6 yillik shartnoma va yiliga 15 million evro maosh taklif qilgan edi. "PSJ" esa, Neymar uchun yiliga 18,5 million evro maosh belgilagan. Bonuslar bilan bu summa 28 milliongacha etib boradi. "MYu" bir mavsumda 17 million evrodan voz kechishga tayyor!

    Neymarning otasi va agenti "Barselona"ni tark etishni va yuqorida sanab o‘tilgan uch klubning birini taklifini qabul qilishni maslahat bermoqda. Ayni vaqtda Neymarning narxi 192 million evro etib belgilangan.

    Eslatib o‘tamiz, Neymarning "Barselona" bilan amaldagi shartnomasi 2018 yilda yakuniga etadi.

    » » "Barselona" Neymarga yiliga 15 mln evrodan ortiq maosh to‘lamoqchi emas