O‘zbekiston MTJning Burkina-Fasoga qarshi o‘rtoqlik o‘yini «Bunyodkor»dan «Paxtakor» stadioniga ko‘chirildi

  • Sport
  • 10-08-2016, 17:10
  • 1 088
  • O‘zbekiston MTJning Burkina-Fasoga qarshi o‘rtoqlik o‘yini «Bunyodkor»dan «Paxtakor» stadioniga ko‘chirildi

    Jahon chempionati-2018 saralashining uchinchi bosqichiga tayyorgarlik ko‘rayotgan O‘zbekiston milliy terma jamoasining rasmiy o‘yinlar oldidan Burkina-Fasoga qarshi kechadigan o‘rtoqlik uchrashuvi «Paxtakor» stadionida o‘tkazilishi belgilangan. Bu haqda O‘FF rasmiy sayti xabar berdi.

    Avvalroq ushbu uchrashuvni o‘tkazish uchun «Bunyodkor» stadioni tanlangan edi. Biroq ushbu stadion 1 sentyabr kuni Suriyaga qarshi bo‘lib o‘tadigan Jahon chempionati saralashining uchinchi bosqichi doirasidagi dastlabki o‘yinga yaxshi holatda tayyor bo‘lishi uchun, 24 avgustdagi o‘rtoqlik uchrashuvini Toshkentdagi boshqa o‘yingohda o‘tkazishga qaror qilindi.

    Shunday qilib, O‘zbekiston – Burkina-Faso nazorat uchrashuvi 24 avgust kuni “Paxtakor” stadionida, soat 20:00da start oladi.

    Eslatib o‘tamiz, O‘zbekiston milliy terma jamoasining navbatdagi yig‘ini 20 avgustdan boshlanadi.

    Manba: Kun.uz