Muhtasham "Bunyodkor" stadionida poytaxtning ikki grand klubi - "Paxtakor" hamda "Lokomotiv" jamoalari o‘rtasidagi Superkubok uchrashuvi nihoyasiga etdi. Unda "temiryo‘lchilar" yirik hisobda g‘alaba qozonishga muvaffaq bo‘ldi.
Uchrashuv teng kurashlar ostida boshlangan edi. Tomonlar navbati bilan hujum ushyutirishgan bo‘lsalar ham, hisob birinchi bo‘limning oxirlariga kelibgina ochildi.
Aniqrog‘i, 37-daqiqada Lutfulla To‘raev uzoq masofadan darvoza tomonidan kuchli zarba yo‘lladi. Lobanov esa bu zarba oldida butunlay ojiz edi, u to‘pni tomoshabin sifatida kuzatib qoldi...
Ikkinchi bo‘lim ham "Lokomotiv"ning hujumlari bilan boshlandi. Bu esa ko‘p o‘tmay o‘z samarasini berdi. Belgilangan jarima zarbasini Lutfulla To‘raev ajoyib tarzda jarima maydoniga uzatdi. Bu erda esa Temurxo‘ja Abduxoliqov himoyachidan chaqqonroq harakat qilib, darvozani ishg‘ol etdi. Temurxo‘ja sobiq jamoasi darvozasiga urgan golini nishonlamaganini ham alohida e’tirof etish joiz.
Ikkinchi gol Vadim Abramov shogirdlarining ruhini ko‘tarib yubordi va tez orada uchinchi golni ham kiritishga muvaffaq bo‘ldi. Abduxoliqovning zargarona uzatmasidan so‘ng "Loko"ning rossiyalik legioneri Koryan darvozabon bilan birga-bir vaziyatga chiqib ketdi. Lobanov esa uni qo‘pollik evaziga to‘xtatib qoldi va Ermatov 11 metrlik nuqtani ko‘rsatdi. Penaltini Ruslanning o‘zi ishonchli tarzda golga aylantirdi.
O‘yinning qolgan daqiqalarida "Paxtakor" futbolchilari vaziyatni o‘nglash uchun oldinga tashlanishdi. Bir qator xavfli hujumlar tashkil etilgan bo‘lsada, to‘p bugun "Lokomotiv" darvozasiga kirishni istamadi.
Aksincha, hujumga berilib ketgan Babayan shogirdlarini Marat Bekmaev gol bilan jazoladi va hisobni sharmandali ko‘rinishga olib keldi. Bu vaziyatda Jasur Hasanov chap qanotdan to‘pni bo‘sh qolgan Bikmaevga aniq etkazib berdi. Marat esa bunday vaziyatda nima qilish kerakligini juda yaxshi biladi. 4:0
Shu tariqa, "Lokomotiv" o‘z tarixida ilk bor mamlakat Superkubogini qo‘lga kiritdi. Jamoa muxlislarini ushbu sovrin bilan muborakbod etamiz!
O‘zbekiston Superkubogi.
"Paxtakor" - "Lokomotiv" 0:4
Gollar: Lutfulla To‘raev 37, Temurxo‘ja Abduxoliqov 48, Ruslan Koryan 55 Marat Bikmaev 89
"Paxtakor": Lobanov, Merzlyakov, Krimes, Oraxovas, Hoshimov, Kozak (Karimov), Maxaradze (s), Andreev, (Masharipov 58) Iskanderov, Sergeev, Alimov .
"Lokomotiv": Ikromov, Mustafoyev, To‘xtaxo‘jaev, Yanichich, Kapadze, (Hasanov) To‘raev, Mirzaev, Zoteev, Hasanov (kichik), (Mullajonov 59) T.Abduxoliqov, R.Koryan (M. Bikmaev78).
Manba: www.uff.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Damas uchun onlayn kontraktatsiya ochiladi
Germaniyaning Knauf kompaniyasi Rossiyadan butunlay chiqib ketishini tasdiqladi
Futzal. Osiyo Kubogi. Tojikiston Yaponiyani guruhda qoldirdi
Shveysariya prezidenti Putinga maktub yo‘lladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Zohida Umarova nima sababdan o‘g‘li va kelini bilan birga yashamasligini aytdi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
AQSHning Suriyadagi harbiy bazasiga raketalar hujum qildi