Suaresning goli «Barselona»ga «Real» ustidan g‘alaba keltirdi

  • 23 mart 2015, 10:44
  • 5 201
  • Sport
  • Suaresning goli «Barselona»ga «Real» ustidan g‘alaba keltirdi

    Ispaniya chempionatining 28-turidan o‘rin olgan "Barselona" va "Real" jamoalari o‘rtasidagi uchrashuv nihoyasiga etdi. Unda mezbonlar g‘alaba qozonishga muvaffaq bo‘ldilar.

    Uchrashuvdagi hisobni "Barsa" ochdi. Metyo Messining ajoyib uzatmasidan so‘ng boshi bilan Madrid klubi darvozasini aniq nishonga oldi.

    Oradan ko‘p o‘tmay, "Real" javob golini kiritishga erishdi. Bu golda Benzemaning "pas"ini alohida e’tirof etish joiz. U tovonlari bilan to‘pni Ronalduga etkazdi va Krishtianu Bravo qo‘riqlayotgan darvozani ishg‘ol etdi.

    Ikkinchi bo‘limda esa "Barselona" yaqqol ustunlik qildi va buni hisobda ham aks ettira oldilar. Dani Alvesning zargarona uzatmasini Luis Suares o‘ziga o‘nglab, Kasilyas darvozasining o‘ng burchagiga aniq yo‘lladi.

    Uchrashuvda ana shu hisob o‘zgarmay qoldi va "Barselona" musobaqadagi peshqadamligini yanada mustahkamlab olishga erishdi.

    Barselona – Real Madrid 2:1 (1:1, 1:0)
    Gollar: 1:0 – 19 Mate, 1:1 – 31 Ronaldu, 2:1 – 56 Suares.

    Barselona – Bravo, Mate, Pike, Alba, Dani Alves, Inesta (Xavi, 80), Maskerano, Rakitich (Buskets, 76), Messi, Neymar (Rafinya, 85), Suares.
    Real Madrid – Kasilyas, Ramos, Karvaxal, Pepe (Varan, 73), Marselo, Isko (Xese, 80), Beyl, Kroos, Modrich (Lukas Silva, 88), Benzema, Ronaldu.
    Ogohlantirishlar: Pepe (21), Suares (28), Alba (37), Ronaldu (37), Ramos (45), Karvaxal (48), Modrich (52), Maskerano (61), Isko (64), Inesta (65), Dani Alves (71).


    Manba: www.uff.uz

    » » Suaresning goli «Barselona»ga «Real» ustidan g‘alaba keltirdi