Sergey Lushchan: "Raqibni etarli darajada o‘rganib chiqdik"

  • 21 fevral 2017, 00:37
  • 3 877
  • Sport
  • Sergey Lushchan: "Raqibni etarli darajada o‘rganib chiqdik"

    «Al-Ahli» – «Bunyodkor» uchrashuvi oldidan har ikkala jamoa bosh murabbiylari va bittadan etakchi futbolchi ishtirokida matbuot anjumani bo‘lib o‘tdi.

    Tadbirning birinchi qismida «Bunyodkor» ustozi Sergey Lushchan va futbolchi Otabek Shukurov OAV vakillari savollariga javob qaytarishdi.

    - Avvalo, mehmondo‘stlik va bizga yaratib berilayotgan sharoitlar uchun tashkilotchilarga jamoamiz nomidan minnatdorchilik bildirmoqchiman. O‘ylaymanki, ertangi bahsda har ikkala jamoa ham katta kuch bilan o‘yin ko‘rsatib, eng avvalo muxlislarga yoqadigan, sifatli futbol namoyish etishadi.

    «Al-Ahli» juda kuchli jamoa. Ularni etarli darajada o‘rganib chiqdik. Kuchli va kuchsiz jihatlarini tahlil qilib, kerakli xulosalarni chiqarib oldik. «Al-Ahli» o‘z uyida ko‘p ming sonli muxlislari qarshisida to‘p tepadi. Lekin o‘ylaymanki, bu jihatni biz uchun salbiy tomonini ko‘rmayapman, - deydi Sergey Lushchan.

    - Chempionlar ligasining guruh bosqich uchrashuvlari boshlanmoqda. «Al-Ahli» bilan uchrashuvga puxta tayyorgarlik olib bordik. Avvalo o‘zimizni juda yaxshi tayyorlaganmiz. Qolaversa, raqibni ham etarli darajada o‘rganib chiqdik. Asosiy maqsadimiz uch ochko. Yurtimizga g‘alaba bilan qaytish uchun bor imkoniyatimizni ishga solamiz, - deydi Otabek Shukurov.

    Manba: www.bunyodkor.com

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Sergey Lushchan: "Raqibni etarli darajada o‘rganib chiqdik"