Neymarning «Real» bilan o‘yindagi ishtiroki bo‘yicha yakuniy qaror qabul qilindi

  • 23 aprel 2017, 16:31
  • 3 671
  • Sport
  • Neymarning «Real» bilan o‘yindagi ishtiroki bo‘yicha yakuniy qaror qabul qilindi
    «Barselona» hujumchisi Neymar Primeraning 33-turida «Real»ga qarshi o‘tadigan o‘yinni o‘tkazib yuboradi. Bu haqda kataloniyaliklar klubi matbuot xizmati rasman xabar bergan.

    Xabarda aytilishicha, Ispaniya Sport tribunali (TAD) o‘yin boshlanishiga 12 soat vaqt qolganida «Barselona» tomonidan Neymarning diskvalifikasiyasi bo‘yicha apellyasiyasini rad etgan.

    Bundan avvalroq, TAD shanba kuni «Barselona»ning Neymar ishi bo‘yicha murojaatini ko‘rib chiqishi xabar qilingandi.

    Biroq, sud mahkamasi vaqtida o‘tkazilmay qolgani tufayli, ish hal bo‘lmadi. Shuning uchun ham, «Barselona» tavakkal qilib o‘tirmadi va 0:3 hisobidagi texnik mag‘lubiyatga uchramaslik uchun Neymarni o‘yin zayavkasiga kiritmadi.

    Braziliyalik ushbu futbolchi «Real Sosedad»ga qarshi uchrashuv vaqtida hakam yordamchisiga nisbatan sportga xos bo‘lmagan harakat qo‘llagani uchun 3 o‘yinga diskvalifikasiya qilingandi.

    «Real» — «Barselona» bahsi bugun, 23 aprel kuni Toshkent vaqti bilan soat 23:45 da «Santyago Bernabeu» stadionida boshlanadi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Neymarning «Real» bilan o‘yindagi ishtiroki bo‘yicha yakuniy qaror qabul qilindi