16:49 / 21.09.2017
5 795

O‘zbekistonda jahon chempionatlari o‘tkazilishi mumkin

O‘zbekistonda jahon chempionatlari o‘tkazilishi mumkin
O‘zbekiston Futbol Federatsiyasi Prezidenti Umid Ahmadjonov va O‘zbekiston Futbol Federatsiyasi Ijroiya Qo‘mitasi a’zosi Bobur Shodiyev bugun Shveysariyaning Syurix shahrida FIFA prezidenti Janni Infantino bilan uchrashdi. Bu haqda federatsiya matbuot xizmati xabar tarqatdi.

Manbaga ko‘ra, Umid Ahmadjonovning tashrifdan ko‘zlagan asosiy maqsadi FIFA tasnifidagi xalqaro tadbir va musobaqalarni O‘zbekistonga olib kelish bo‘lib, O‘FF Prezidenti Janni Infantino bilan o‘zaro suhbat chog‘ida o‘smirlar hamda yoshlar o‘rtasidagi jahon chempionati, 17 va 20 yoshgacha bo‘lgan qizlar o‘rtasidagi jahon chempionatini O‘zbekistonda o‘tkazish masalasini qizg‘in muhokama qildi.

Shuningdek, O‘FF Prezidenti FIFA prezidenti bilan suhbat asnosida O‘zbekiston bugungi kunga kelib, FIFA Kongressi, shuningdek, FIFAning ixtisoslashgan forumlaridan biriga mezbonlik qilishga tayyor ekanligini ma’lum qildi.

Manba: Kun.uz

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » O‘zbekistonda jahon chempionatlari o‘tkazilishi mumkin