Isroil Madrimov ertaga oltin medal uchun ringga chiqadi

  • 25-11-2017, 21:30
  • 1 054
  • Sport
  • Isroil Madrimov ertaga oltin medal uchun ringga chiqadi
    Rossiyaning Beloyarskiy shahrida o‘tayotgan boks bo‘yicha “Neft mamlakatlari kubogi” o‘zining hal qiluvchi pallasiga kirib bormoqda.

    4 nafar bokschimiz yarim finalgacha yetib kelib, oldiniga Hasanboy Do‘smatov (52 kg) va Iqboljon Xoldorov (64 kg) finalga yo‘l olishdi.

    75 kg vaznda raqiblariga umuman imkoniyat bermay kelayotgan hamyurtimiz Isroil Madrimov final ostonasidagi jangda belaruslik Vladislav Savostyanov bilan kuch sinashdi.

    Raqibiga nisbatan tajribali hisoblangan bokschimiz yakunda hakamlarning bir ovozdan bergan qaroriga ko‘ra g‘olib deb topildi.

    Shunday qilib, finalga yo‘l olgan bokschilarimiz soni uchtaga yetdi. Final janglari ertaga, 26 noyabr kuni bo‘lib o‘tadi.

    » » Isroil Madrimov ertaga oltin medal uchun ringga chiqadi