"Al-Garafa" - "Paxtakor" uchrashuvidan oldin matbuot anjumanida ishtirok etgan Shota Arveladze savollarga javob qaytardi.
Shota Arveladze ("Paxtakor" bosh murabbiyi): - Uchrashuv haqida fikr bildirishdan avval Xitoyda o‘tkazilgan Osiyo chempionatida g‘olib chiqqan O‘zbekiston olimpiya terma jamoasini, bu yo‘lda mehnat qilgan barcha insonlar va ishqibozlarni tabriklayman.
O‘yinga kelsak, bu bir bellashuvdan iborat to‘qnashuvdir. Ikkinchi imkoniyat berilmaydi. Maqsadimiz g‘alaba qozonish va bunga bor kuchimiz bilan intilamiz.
"Al-Garafa" bilan murabbiylik faoliyatimda to‘qnash kelmaganman. Ularda yaqinda murabbiy o‘zgardi, yangi futbolchilar bilan shartnoma imzolandi. Raqibni imkon qadar o‘rganib chiqdik.
Futbolda har qanday holat sodir bo‘lishi mumkin. Raqibimiz o‘yinlarini tahlil qilib chiqdik. Bu biz uchun mavsumdagi birinchi rasmiy uchrashuvga aylanadi. Bahsga hozirlik ko‘rish uchun tayyorgarlik jarayonini o‘tkazdik. Rasmiy o‘yinlar amaliyoti borligi "Garafa"ga kichik ustunlik berar, ammo biz mavsumni yangi kuch hamda g‘alaba bilan boshlash yo‘lida borimizni beramiz.
Tarkibimizda jarohat bo‘yicha muammo yo‘q. Kecha tunda Xitoydagi Osiyo chempionatida ishtirok etgan futbolchilardan uch nafari Doxaga yetib kelishdi va safimizga qo‘shilishdi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyaning Knauf kompaniyasi Rossiyadan butunlay chiqib ketishini tasdiqladi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
Eron prezidenti jiddiy bayonot berdi: «Isroildan hech narsa qolmaydi»
Rossiya dunyodagi birinchi vodorod yoqilg‘ili avtomobilni taqdim etdi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
