19:02 / 17.02.2018
4 489

Karlush Keyrush O‘zbekistonga kelmasligi mumkin

Karlush Keyrush O‘zbekistonga kelmasligi mumkin
Eron milliy terma jamoasi bosh murabbiyi Karlush Keyrush terma jamoa bilan shartnomasini uzaytirishi mumkin. Bu haqda terma jamoalar departamenti rahbari Mahdiy Xorotiy gapirib o‘tgan, deb yozadi tribuna.uz nashri.

Xorotiyning aytishicha, Eron futboli rahbariyati bosh murabbiy Karlush Keyrush bilan yangi shartnoma imzolash uchun tayyorgarlik boshlab yuborgan.

«Futbol federatsiyamiz rahbari va terma jamoa bosh murabbiyining munosabatlari juda yaxshi. Yangi shartnoma imzolash uchun vaziyat qulay, tomonlar unga xayrixohlik bildirmoqda», - deb Xorotiy so‘zlarini keltirmoqda Eron futbol federatsiyasi sayti.

«Biz bosh murabbiy bilan shartnomani uzaytirmoqchimiz, Federatsiya rahbari shu haqda topshiriq berdi. Har xil mish-mishlarga qaramay, Federatsiya rahbari va milliy terma jamoa ustozi o‘zaro hamkorlikni uzaytirish va terma jamoani yanada kuchaytirish rejalariga ega. Muxlislarning talabi ham shu. Bundan tashqari, JCh-2018 musobaqasida ham muvaffaqiyatli ishtirok etmoqchimiz» - deb qo‘shimcha qildi Xorotiy.

Eslatib o‘tamiz, oldinroq, Karlush Keyrush O‘zbekiston terma jamoasini boshqarishi haqida xabarlar tarqalgandi. Unga ko‘ra, portugaliyalik mutaxassis JCh-2018 musobaqasidan so‘ng O‘zbekiston terma jamoasi boshqaruvini qo‘lga olishi lozim edi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Karlush Keyrush O‘zbekistonga kelmasligi mumkin