Farrux Do‘stov Italiyadagi turnirning juftliklar bahsida chorak finalda yutqazdi

  • 20 noyabr 2015, 14:52
  • 3 435
  • Sport
  • O‘zbekistonning ikkinchi raketkasi Farrux Do‘stov Italiyaning Breshia shahrida davom etayotgan «Chellenjer» turkumiga kiruvchi turnirdagi ishtirokini yakunladi. Farrux yakkalikdan so‘ng juftlik bahsida ham mag‘lubiyat alamini totib ko‘rdi, deb xabar qiladi «Olamsport».

    Farrux Do‘stov Italiyadagi turnirning juftliklar bahsida chorak finalda yutqazdi

    Mukofot jamg‘armasi 42 ming 500 evroni tashkil etuvchi musobaqaning juftliklar bahsida italiyalik Alessandro Motti bilan tandem hosil qilgan Do‘stov chorak finalda Igor Zelenay hamda Ilya Bozolyach juftligiga ikki setda ham bir xil 3:6 hisobida yutqazib qo‘ydi.

    Eslatib o‘tamiz, Do‘stov turnirning yakkalik bahslari chorak finalida gollandiyalik Igor Siyslingga 3:6, 4:6 hisobida imkoniyatni boy berib qo‘ygan edi.


    Manba: Daryo.uz

    » » Farrux Do‘stov Italiyadagi turnirning juftliklar bahsida chorak finalda yutqazdi