21:39 / 29.04.2018
4 799

Muxlislar qo‘shig‘i: «Yana ko‘proq gol ursa, islom dinini tanlayman»

Muxlislar qo‘shig‘i: «Yana ko‘proq gol ursa, islom dinini tanlayman»
«Al-Azhar» radikalizmga qarshi kurashish tashkiloti Angliyaning «Liverpul» jamoasida to‘p surayotgan misrlik futbolchi Muhammad Saloh islom dinini o‘zining yuksak axloqiy fazilatlari bilan namuna qilib ko‘rsatayotganidan xursandligini aytgan. Bu haqda «Hurriyet»ga asosan Xabar nashri ma’lum qilmoqda.

«Oxirgi paytlarda butun dunyoda Salohning muvaffaqiyatlari tilga olinayotir. Angliya matbuoti islom dini haqida noto‘g‘ri talqinlar qilayotgan bir paytda, Saloh orqali «Liverpul» muxlislari islomning mazmun-mohiyatini anglatadigan qo‘shiqlar kuylamoqda», – deyiladi «Al-Azhar» bayonotida.

«Yana ko‘proq gol ursa, islom dinini tanlayman. Masjidga boraman, u maskan men xohlagan joy», – kabi so‘zlar o‘rin olgan muxlislarning qo‘shiqlarida.

Angliya premer ligasi (PFA) tomonidan Muhammad Saloh «Yil o‘yinchisi» deb topilgan edi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Muxlislar qo‘shig‘i: «Yana ko‘proq gol ursa, islom dinini tanlayman»