19 yoshli futbolchi Bundesligada birinchi mavsumini o‘tkazayotganiga qaramay Yevropaning bir qator grandlarini o‘z e’tiborlarini unga qaratishgan. Goal nashri Panayotis Retsos haqida mulohaza yuritdi.
Grek futboli muxlislari « Olimpiakos » bilan professional faoliyatini boshlgandan keyin, bir yil o‘tar-o‘tmas mamlakatni eng qimmat futbolchi sifatida tark etgan himoyachini juda yaxshi bilishadi.
Gretsiyaning eng nomdor jamoasi uchun 40 uchrashuv o‘tkazgan himoyachi darrov Leverkuzenning «Bayer» klubi nazariga tushdi. Bundesliga vakili yosh iqtidor egasini o‘z safiga qo‘shib olish uchun o‘tgan transfer oynasining so‘nggi kunlarida 17,5 million yevroning bahridan o‘tdi.
«Bir kuni tongda klubdagilar menga leverkuzenliklar kerakli pulni to‘lashganini va men yuklarimni tayyorlashim shartligini aytishdi», deydi himoyachi Gazzetta nashriga bergan intervyusida.
«Olimpiakos» bilan Chempionlar Ligasida o‘ynash orzuyim edi, ammo men biror narsaga erishish uchun boshqa narsadan voz kechishim kerakligini bilardim. O‘shandan beri bu haqida ko‘p marta o‘yladim. Demak, Xudo shunday bo‘lishini istagan, degan qarorga keldim. Aytishim mumkinki, bu eng to‘g‘ri qaror bo‘lgan. »
«Olimpiakos» akademiyasida sakkiz yil tarbiya topgan iste’dod egasi tez sur’atlar bilan o‘yinini rivojlantirib bordi. Boshqa klub, liga va madaniyatga o‘tgan uning yoshidagi futbolchilar uchun Gretsiyadagidan ko‘proq narsani kutishadi. O‘zgarishlar katta edi, shunga qaramay uning o‘yini o‘sishdan to‘xtagani yo‘q.
«Yosh futbolchilar bu yerda stressiz o‘ynashi, xato qilishdan qo‘rqmasdan o‘ynash imkoniyatiga ega, - deydi u Deutsche Wellega sentyabrda bergan intervyusida – bir tarafdan bu biz uchun yaxshi. Har qanday xatolar bizni yanada kuchliroq qiladi»
«Germaniyada 17-18 yoshli futbolchilar top darajadagi ilk tajribalarini oladilar. Ular tayyor bo‘lmasligi mumkin, ammo ular jangga tayyormiz, deb o‘ylashadi. Bu Gretsiyada umuman uchramaydigan holat. 17-18 yoshlilar iqtidorli deb qaraladi, ular o‘smirlar jamoasida o‘ynashadi va 20-21 yoshga kelibgina katta futbolda o‘ynashni boshlaydi. Ammo bu biroz kech degan fikrdaman.»
Leverkuzenliklar safida 29 uchrashuv o‘tkazgan Retsos hech shubhasiz bu chig‘iriqdan o‘tib bo‘ldi.
Mustahkam intizom asosida tarbiyalanayotgan Retsos uzun bo‘yiga qaramay himoya chizig‘ining istalgan nuqtasida o‘ynay oladi. O‘tgan turda «Ayntraxt»ga qarshi kechgan uchrashuvda u o‘yinni uch kishilik himoyaning chap qanotida boshladi va uchrashuvning ko‘p qismini himoyaning kengroq pozitsiyalarida o‘tkazdi.
Gretsiya termasi vakili to‘p bilan muomala qilishni juda yaxshi ko‘radi va bosh bilan o‘ynashda ham tengsiz sanaladi.
Retsos asosiy tarkib uchun kurashayotgan himoyachilar orasida eng yoshi hisoblanadi. Ammo uning tezda moslasha olishi va tez-tez asosiy rollarda ko‘rinishi uni Xayko Xerrlix uchun eng muhim figuraga aylantirgan.
Shu tufayli «Barselona» yoki «Arsenal» ushbu yosh himoyachini yaqindan kuzatib borishayotganidan ajablanmasak ham bo‘ladi. Ayni vaqtda «BayArena»da katta ta’sir ko‘rsatayotgan futbolchi tez orada u bilan ham xayrlashishi mumkin.
Manba: www.iff.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
