Yevropa chempionlar ligasi finalidan o‘rin olgan «Real» Madrid – «Liverpul» uchrashuvi o‘z nihoyasiga yetdi. Kiyevda kechgan bahsda madridliklar g‘alabani qo‘lga kiritdilar.
O‘yin ikki jamoaning faolligi bilan boshlandi va ilk daqiqalar «Liverpul»ning hujumlari bilan yodda qoldi. Uchrashuvning 30-daqiqasida Muhammad Saloh jarohat olib maydonni tark etdi va shundan so‘ng tashabbus madridliklarga o‘tdi. Raqibning ruhiy tushkunligidan «Real» unumli foydalana olmadi.
Ikkinchi bo‘lim debyuti «Real»ga omadli keldi: Karius to‘p uzatayotgan paytda qo‘pol xatoga yo‘l qo‘ydi va Karim Benzemaga tekkan to‘p darvozadan joy oldi. 55-daqiqada mersisaydliklar hisobni tenglashtirishga erishdilar: burchakdan uzatilgan to‘pni Lovren boshi bilan Manega tashlab berdi va Sadio yaqin masofadan darvozani ishg‘ol qilib, muvozanatni tikladi.
64-daqiqada Marseloning o‘ng qanotdan uzatgan to‘pini Garet Beyl chalqancha uslubda darvozaga aniq yo‘naltirdi va jamoasini oldinga olib chiqdi. 84-daqiqada Karius yana «qovun tushirdi» va Beyl dublini nishonladi: Beylning juda uzoq masofadan yo‘naltirgan to‘pini darvozabon qaytarishda xatoga yo‘l qo‘ydi.
Shu tariqa, «Real» ketma-ket uchinchi bor YeChL g‘olibligini qo‘lga kiritdi va bu borada o‘zining rekordini yaxshilab qo‘ydi.
YeChL, final
Real Madrid Ispaniya – Liverpul Angliya 3:1 (0:0, 3:1)
Gollar: 1:0 – 51 Benzema, 1:1 – 55 Mane, 2:1 – 64 Beyl, 3:1 – 83 Beyl.
Real Madrid – Navas, Varan, Marselo, Karvaxal (Nacho, 37), Ramos, Modrich, Kazemiro, Isko (Beyl, 61), Kroos, Ronaldu, Benzema (Asensio, 89).
Liverpul – Karius, Lovren, Robertson, Aleksander-Arnold, van Deyk, Firmino, Veynaldum, Saloh (Lallana, 30), Milner (Jan, 83), Mane, Xenderson.
Ogohlantirish: Mane (82).
Manba: www.uff.uz
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Sariqmi yoki yashil: qaysi turdagi banan foydaliroq?
Germaniyaning Knauf kompaniyasi Rossiyadan butunlay chiqib ketishini tasdiqladi
Toshkentda 02 kodli avtoraqamlar taxminan qachon paydo bo‘lishi aytildi
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Futzal. Osiyo Kubogi. Tojikiston Yaponiyani guruhda qoldirdi