Yevropa Ligasining eng yaxshi futbolchisi bo‘lishga nomzodlar ro‘yxati

  • Sport
  • 10-08-2018, 06:00
  • 598
  • Европа Лигасининг энг яхши футболчиси бўлишга номзодлар рўйхати
    «Atletiko» klubi himoyachisi Diyego Godin, uning klubdoshi Antuan Grizmann va «Marsel» klubi yarim himoyachisi Dimitri Payet Yevropa Ligasining 2017/18 mavsum yakunlariga ko‘ra eng yaxshi futbolchisi bo‘lishga nomzod deb topilgan. Bu haqida UYeFA rasmiy sayti xabar berdi.

    32 yoshli Godin 8 ta o‘yinda ishtirok etib jamoasining 4 ta o‘yinda darvoza dahlsizligini saqlashga ko‘mak berdi. 27 yoshli Grizmann esa 8 ta o‘yinda 6 marotaba gol kiritdi (ulardan ikkitasi – finalda urilgan gollar) va 4 ta golli uzatmalarni amalga oshirdi. 31 yoshli Payet esa jami 12 ta o‘yinda ishtirok etib, 3 ta gol va 7 ta golli uzatmaga muallif bo‘ldi.

    G‘olib nomi 31 avgust kuni e’lon qilinadi. O‘tgan yili ushbu sovrinni «Manchester Yunayted» klubi yarim himoyachisi Pol Pogba qo‘lga kiritgan edi.

    Manba: www.uff.uz

    » » Yevropa Ligasining eng yaxshi futbolchisi bo‘lishga nomzodlar ro‘yxati
    Яндекс.Метрика