Yevropada Chempionlar ligasi va Yevropa ligasidan boshqa yana bir yevrokubok joriy etiladi

  • 12 sentyabr 2018, 08:02
  • 1 679
  • Sport
  • Yevropada Chempionlar ligasi va Yevropa ligasidan boshqa yana bir yevrokubok joriy etiladi
    2021/22 yilgi mavsumdan Yevropada Chempionlar ligasi va Yevropa ligasidan keyingi oʻrinda turuvchi uchinchi yevrokubok oʻtkazila boshlanadi. Bu haqda Yevropa klublari assotsiatsiyasi (ECA) prezidenti Andrea Anyelli Splitda oʻtkazilgan uchrashuv chogʻida maʼlum qilgan.

    Uning aytishicha, UYEFA klublar oʻrtasidagi uchinchi yevrokubok musobaqasi uchun ruxsat bergan.

    “UYEFAning ruxsatini kutayotgan edik. Mana endi uchinchi musobaqani yaratish yoʻlida «yashil chiroq” yondi. Bu turnir 2021/22 yillar mavsumidan eʼtiboran 96 klub bilan start oladi», - deya Anyellining soʻzlarini keltirib oʻtdi Football Italia.

    Yevropa kubogi deb nomlanuvchi yangi musobaqa formati hozircha nomaʼlum, biroq u 90-yillarga qadar oʻtkazib kelingan Kubok egalari kubogi bilan oʻxshash boʻlishi taxmin qilinmoqda. Kubok egalari kubogi 1960-1999 yillar oraligʻida oʻtkazilgan boʻlib, unda UYEFAga aʼzo mamlakatlar kubogini qoʻlga kiritgan klublar ishtirok etgan.

    Ayni vaqtda Yevropada ikkita yirik xalqaro turnir bor. Chempionlar ligasi guruh bosqichida 32, Yevropa Ligasi guruh bosqichida esa 48 jamoa ishtirok etadi.

    Avvalroq Yevropa kubogining yoʻlga qoʻyilishi bilan Yevropa ligasining guruh bosqichi ishtirokchilari soni 48tadan 32 taga qisqarishi maʼlum qilingan. Shuningdek, ushbu turnirning muxlislar hamda reklama beruvchilar uchun jozibasi oshirilishi koʻzda tutilgan.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Yevropada Chempionlar ligasi va Yevropa ligasidan boshqa yana bir yevrokubok joriy etiladi