11:42 / 29.09.2018
3 598

Habib Nurmagomedovning murabbiyi jangga tayyorgarlik boʻyicha baʼzi tafsilotlarni oshkor qildi

Habib Nurmagomedovning murabbiyi jangga tayyorgarlik boʻyicha baʼzi tafsilotlarni oshkor qildi
Aralash yoʻnalish boʻyicha (MMA) rossiyalik jangchi Habib Nurmagomedovning murabbiyi Xavyer Mendes oʻz shogirdi irlandiyalik Konor Makgregor bilan jangga qanday tayyorlanayotgani haqida soʻzlab berdi.

Mutaxassisning aytishicha, rossiyalik sportchi qadning rostlangan vaziyatidagi jangni yaxshilash ustida ishlagan.

«Habibning zarbalari yaxshi. Yaqinda u bokschilar bilan sparring oʻtkazdi va hech qanday muammo paydo boʻlmadi. Koʻpchilik Nurmagomedovning qadning rostlangan vaziyatidagi jangiga yetarlicha baho bermayapti hamda ular u bu holatda ham yaxshi ishlashini koʻradi.

Habib Makgregor bilan qadning rostlangan vaziyatida ishlashga tayyormi? U tayyor boʻlishga majbur. Shunchaki chiqib, Konorni yerga yiqitishning imkoni boʻlmaydi. U oʻz ishining ustasi. U eng buyuklardan biri, deb hisoblanadi, bu bejiz emas, shuning uchun qadning rostlangan vaziyatidagi ish har qanday holatda ham boʻladi, undan qochib qutulishning iloji yoʻq», - deya Mendesning soʻzlarini keltiradi Bloody Elbow.

Nurmagomedov — Makgregor jangi 6 oktyabr kuni Las-Vegasda boʻlib oʻtadi.

Eslatib oʻtamiz, avvalroq Nurmagomedovga Makgregorning sobiq sparring sherigi yordam berayotgani maʼlum boʻlgandi.

Mutlaq jangchilar chempionati (UFC) amaldagi chempioniga tayyorgarlik jarayonida Makgregorning sobiq sparring sherigi Mayls Prays yordam beryapti.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Habib Nurmagomedovning murabbiyi jangga tayyorgarlik boʻyicha baʼzi tafsilotlarni oshkor qildi