So‘nggi paytlarda «Manchester Yunayted» va Joze Mourinoning hamkorligi yakunlanishi mumkinligi haqida xabarlar ko‘paydi. «MYu»ning sobiq futbolchisi Pol Ins portugaliyalik mutaxassis bilan bog‘liq gap-so‘zlarga to‘xtalarkan, uning jamoada qolishidan umidvor ekanligini yashirmadi.
- Joze Mourinoning bugungi ahvoli haqida nima deya olasiz?
- Har doim natijalar ko‘p narsani o‘zgartirishi mumkinligini ta’kidlaganman. Ko‘pchilikning fikricha, futbolchilar Mourino qo‘l ostida o‘ynashni xohlashmayotgan, kurashishga ishtiyoq yo‘qolgandek edi. Ammo «Nyukasl»ga qarshi bahs vaziyat mutlaqo boshqacha ekanini ko‘rsatdi.
- Aynan shu g‘alaba Jozening qolishiga umid bag‘ishlashi mumkinmi?
- Albatta, axir o‘sha uchrashuvning ikkinchi bo‘limidagi voqealardan keyin aksariyat muxlis va mutaxassislarning fikrlari o‘zgardi.
- Ushbu «kambek»dan so‘ng mavjud muammolarni unutsak bo‘laveradimi?
- Qisman shunday, ammo Mou- rinoning iste’fosi haqidagi xabarlardan keyin «MYu» g‘alaba qozonishi muhim edi.
- Kelgusidagi uchrashuvlarda biz barqaror «Manchester Yunayted»ni ko‘rarmikanmiz?
- «Nyukasl» bilan bo‘lgan o‘yin jamoa uchun hal qiluvchi ahamiyat kasb etishini xohlayman. Bu bilan endilikda «MYu» bosh sovrin uchun «Manchester Siti» va «Liverpul»ga qarshi kurashadi, deyish fikridan yiroqman. Ammo so‘nggi turda erishilgan muvaffaqiyat oxirgi paytda ro‘y bergan voqealardan so‘ng futbolchilarga biroz tin olish imkonini taqdim etadi.
- Sizningcha, Mourino hozirgi uslubini saqlab qolishi ma’qulmi yoki taktik o‘zgarishlar qilish vaqti keldimikan?
- Futbolchilar o‘zgarishgan. Avvallari ser Aleks Fergyuson men, Roy Kin yoki Mark Xyuzni istalgan paytda zaxiraga «mixlab» qo‘yishi mumkin edi. Biz murabbiyning har bir so‘zini inobatga olardik. Hozir esa o‘yinchilar bilan muloyim munosabatda bo‘lish darkor. Natijaga erishish uchun ularni ruhlantirish va maqtovlarga ko‘mish talab etiladi.
- Mourinoning «MYu»da qolishiga ishonasizmi?
- Shunga umid qilyapman. Chunki ser Aleks Fergyuson uzoq yillar «Manchester Yunayted»da faoliyat yuritgan. Demak, har ikki yilda murabbiy almashtiraverish bu jamoaga yarashmaydi.
- Buning uchun Jozedan nima talab etiladi?
- O‘tgan yillar davomida qo‘llagan uslubini o‘zgartirishi tarafdoriman, zero zamonaviy futbol ancha ilgarilab ketgan. Imkon qadar hujumkorlikka urg‘u bersa, maqsadga muvofiq bo‘lardi.
Manba: interfutbol.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Rossiya G‘azoga 29 tonnadan ortiq insonparvarlik yordami jo‘natdi
Erdo‘g‘on terrorchilar haqida keskin gapirdi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Dubay hukmdorining eng go‘zal qizi qanday hayot kechiradi?