Ketma-ket yubiley yoxud «Liverpul» o‘zida «Kardiff»ni tor-mor keltirdi

Angliya chempionatining 10-turidan o‘rin olgan “Liverpul” – “Kardiff” uchrashuvi o‘z nihoyasiga yetdi. Unda 4:1 hisobi qayd etilib, mersisaydliklarning g‘alabasi bilan yakunlandi.

O‘yinning ilk daqiqalaridanoq "Liverpul" tashabbusni to‘liqligicha o‘z qo‘liga olib, 10-daqiqadayoq Muhammad Salohning jarima maydonachasi ichida e’tiborli o‘yining samarasi bilan hisobida oldinga chiqib oldi.

Tanaffusdan so‘ng Sadio Mane 66-daqiqada kuchli zarba bilan Eterijni ikkinchi bor ranjitishga muvaffaq bo‘ldi.

E’tiborlisi shundaki, Saloh o‘tgan YeChL o‘yinida "Liverpul" safida barcha musobaqalardagi 50-golini kiritgan bo‘lsa, Mane bu natijani takrorlash uchun yana bitta gol qolli.

Biroq, dastavval Paterson o‘z goli bilan "Kardiff" muxlislarida umid uchqunlarini uyg‘otgan bo‘lsada, 84-daqiqaga kelib Jerdan Shakiri hisobni 3:1 ko‘rinishga olib keldi.

Oradan 3 daqiqa o‘tar-o‘tmas yana yubiley shohidiga aylandik. Sadio Mane uchrashuvdagi ikkinchi golini kiritib, umumiy hisobda to‘plari sonini 50taga yetkazib, tarixdan joy oldi.

Shu tariqa, "Liverpul"da nafaqat g‘alaba, balki qo‘shaloq yubiley.

Angliya Chempionati, 10-tur

Liverpul – Kardiff 4:1 (1:0, 3:1)
Gollar: 1:0 – 10 Saloh, 2:0 – 66 Mane, 2:1 – 77 Paterson, 3:1 – 84 Shakiri, 4:1 – 87 Mane.
Liverpul – Alisson, Lovren, Moreno, Aleksander-Arnold, van Deyk, Veynaldum, Fabino, Lallana (Shakiri, 61), Mane, Saloh, Firmino (Milner, 71).
Kardiff – Eterij, Morrison, Bennett, Manga, Bamba, Rid (Zoxore, 83), Kamarasa, Merfi (Xarris, 74), Gunnarsson (Damur, 73), Xoylett, Paterson.

Manba: www.uff.uz “Zamin” yangiliklarini “Facebook”da kuzatib boring