«Liverpul» 96-daqiqadagi gol evaziga «Everton»ni mag‘lubiyatga uchratdi

  • 2-12-2018, 23:41
  • 496
  • Sport
  • «Liverpul» 96-daqiqadagi gol evaziga «Everton»ni mag‘lubiyatga uchratdi
    Angliya chempionatining 14-turidan o‘rin olgan «Liverpul» – «Everton» uchrashuvi yakunlandi. «Enfild»da bo‘lib o‘tgan o‘yinda mezbonlar minimal hisobdagi g‘alabani qo‘lga kiritishdi.

    Birinchi bo‘lim teng kurashlar ostida o‘tdi, ikki jamoada ham bir nechta qulay imkoniyatlar yuzaga keldi. Ayniqsa bo‘lim o‘rtalarida mehmonlar oldinga chiqib olishlari mumkin edi, biroq Andre Gomeshning yaqin masofadan bergan zarbasini Alisson mo‘jizaviy seyv bilan qaytarib qoldi.

    Ikkinchi bo‘limda ustunlik mezbonlar tomonida bo‘ldi. Hakam tomonidan qo‘shib berilgan vaqtning so‘nggisida qizillar o‘z maqsadlariga erishdilar. Jordan Pikford maydon tashqarisiga chiqib ketayotgan to‘pni qaytarib qoldi, natijada Divok Origi uni bo‘sh qolgan darvozaga yo‘llab jamoasiga muhim g‘alabani olib keldi.

    Shu tariqa, «Liverpul» 36 ochko bilan Premer-liga turnir jadvalida ikkinchi o‘rinda ketmoqda, «Everton» (22) esa 6-pog‘onada bormoqda.

    Ushbu uchrashuvda kiritilgan golni UFF.uz Media kanalida tomosha qilishingiz mumkin.

    APL, 14-tur

    Liverpul – Everton 1:0 (0:0, 1:0)
    Gol:
    1:0 – 90+6 Origi.

    Liverpul – Alisson, Gomes, Robertson, Aleksander-Arnold, van Deyk, Veynaldum, Fabino, Shakiri (Keyta, 71), Mane, Salax (Starridj, 75), Firmino (Origi, 84).

    Everton – Pikford, Kin, Din, Koulmen, Mina, Bernard (Kelvert-Lyuin, 89), Andre Gomesh, Uolkott (Lukman, 63), Sigurdsson (Zuma, 90), Risharlison, Guye.

    Ogohlantirishlar: Shakiri (33), Fabino (77), Gomes (80), Andre Gomesh (88), Sigurdsson (90).

    Manba: www.uff.uz

    » » «Liverpul» 96-daqiqadagi gol evaziga «Everton»ni mag‘lubiyatga uchratdi