Aren Robben «Bavariya»dan ketishini e’lon qildi

  • 3-12-2018, 10:35
  • 336
  • Sport
  • Aren Robben «Bavariya»dan ketishini e’lon qildi
    «Bavariya» yarimhimoyachisi Aren Robben mavsum yakunida klubni tark etishi haqida ma’lum qildi.

    «Bu mening «Bavariya»dagi oxirgi mavsumim.

    Men bu klubda ajoyib 10 yilni o‘tkazdim», – degan futbolchi.

    Ayni vaqtda 34 yoshda bo‘lgan futbolchi myunxenliklar jamoasi safida 2009 yildan buyon to‘p surib kelmoqda. Robben joriy mavsumda 9 o‘yinda maydonga tushdi va 3 gol urdi.

    U «Bavariya»da 10 mavsum davomida 305 o‘yinda maydonga tushgan hamda jami 143 golga mualliflik qilgan. Robben nemis klubi bilan bu davr mobaynida 7 marta Bundesliga chempioniga aylangan, 5 marta Superkubokka ega chiqqan, bir martadan Chempionlar ligasi va UYeFA Superkubogida g‘olib bo‘lgan.

    » » Aren Robben «Bavariya»dan ketishini e’lon qildi