Ertaga bo‘lib BAA - Bahrayn uchrashuvi bilan navbatdagi Osiyo Kubogiga start beriladi.
Quyida "A" guruhiga bag‘ishlangan OFK prevyusini keltirib o‘tamiz. Mazkur musobaqadagi ishtirok BAA terma jamoasi uchun 10-si bo‘ladi. Qolaversa, musobaqa OFK tarixida ikkinchi bor BAAda tashkil etiladi. Birinchisi 1996 yil o‘tkazilgan bo‘lib, yakunda Saudiya Arabistoni g‘oliblikni qo‘lga kiritgandi.
Osiyo Kubogi bu yil o‘z tarixida 17-marta tashkil etiladi. Bungacha 7ta mezbon jamoa chempionlikni nishonlagan. BAAlik muxlislar ham o‘z terma jamoalaridan faqat birinchi o‘rinni kutishmoqda. Qizig‘i shundaki, birgina BAA joy olgan "A" guruhida sobiq chempion yo‘q. Chunki bungacha Bahrayn ham, Hindiston bilan Tailand ham chempion bo‘la olmagan. Ko‘pchilik BAA terma jamoasi guruhdan osonlikcha chiqadi deb taxmin qilyapti, biroq hammasi maydonda hal bo‘ladi. Zero Bahrayn va Tailand ham oddiy jamoalardan emas va barcha qatori musobaqaga jiddiy hozirlik ko‘rdi.
Kim nechanchi marta qatnashyapti?
Shu o‘rinda "A" guruhi jamoalarining nechanchi marta Osiyo Kubogida ishtirok etayotganini keltirib o‘tsak.
BAA - 10
Eng yaxshi natijasi: Finalchi (1996)
Bahrayn - 6
Eng yaxshi natijasi: 4-o‘rin (2004)
Tailand - 7
Eng yaxshi natijasi: 3-o‘rin (1972)
Hindiston - 4
Eng yaxshi natijasi: Finalchi (1964)
BAA terma jamoasining 1-turdagi raqibi Bahrayn mazkur musobaqada 6-marta qatnashadi. Bahrayn uchun eng muvaffaqiyatli turnir 2004 yil Xitoyda o‘tkazilgan musobaqada hisoblanadi. Aynan shu musobaqaning chorak finalida bahraynliklar O‘zbekiston terma jamoasini penaltilar seriyasiga ko‘ra mag‘lub etib keyingi bosqichga yo‘l olishgandi. Yakunda Bahrayn 3-o‘rin uchun kechgan bahsda Eronga imkoniyatni boy berib, to‘rtinchi o‘rin bilan kifoyalangan. Bu Bahrayn terma jamoasi uchun qatorasiga beshinchi Osiyo chempionati bo‘ladi. Fakt shuki, oxirgi uchta musobaqada jamoa guruhdan chiqa olmagan.
Ushbu musobaqa Tailand terma jamoasi uchun yettinchisi bo‘ladi. Tailand oxirgi marta 2007 yil turnirda ishtirok etgan. Qizig‘i shundaki, bu jamoa shu paytgacha Osiyo Kubogida 20ta o‘yin o‘tkazib, shundan faqat bittasida zafar quchgan. Bu Osiyo Kubogi-2007da sodir bo‘lgandi. Tailand o‘shanda guruh o‘yinlarida Ummonni mag‘lub etgan.
Navbatdagi qit’a birinchiligi Hindiston uchun to‘rtinchisi bo‘ladi. Hindiston oxirgi marta Osiyo Kubogi-2011da ishtirok etgandi. Bu jamoaning tajribasini yuqori deb bo‘lmaydi. Shunga qaramay ular ham munsoib ishtirok etishni maqsad qilishgan. Hindiston o‘z tarixidagi eng yaxshi natijani 1964 yil qayd etgan. O‘shanda hindlar musobaqa finaliga qadar yetib borib, Isroilga mag‘lub bo‘lishgan. Osiyo Kubogi-2011da Hindiston guruhdagi barcha o‘yinlarda o‘z darvozasidan 13 bor to‘p o‘tkazib yuborgan holda turnirni tark etgan.
"A" guruhi. 1-tur
5 yanvar. BAA - Bahrayn
21:00. Abu Dabi. "Zayed Sports Siti" stadioni
6 yanvar. Tailand - Hindiston
18:30. Abu Dabi. "Al Nahyan" stadioni “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Rossiya G‘azoga 29 tonnadan ortiq insonparvarlik yordami jo‘natdi
Erdo‘g‘on terrorchilar haqida keskin gapirdi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Dubay hukmdorining eng go‘zal qizi qanday hayot kechiradi?