10:20 / 27.01.2019
4 784

Fyodor Yemelyanenko Bellator gran-prisi finalida nokautga uchradi (foto, video)

Fyodor Yemelyanenko Bellator gran-prisi finalida nokautga uchradi (foto, video)
Rossiyalik aralash yakkakurash jangchisi Fyodor Yemelyanenko og‘ir vazn toifasida Bellator gran-prisi finalida amerikalik Rayan Beyderdan mag‘lubiyatga uchradi.
Los-Anjelesda o‘tgan jang 1-raundning 1-daqiqasida rossiyalikning nokautga uchrashi bilan tugadi. Yemelyanenko jangning 35-soniyasida boshiga zarbani o‘tkazib yuborgach, yiqilib tushgan. Shundan keyin amerikalik unga ketma-ket zarbalar bergach, hakam jangni to‘xtatishga qaror qilgan.

Yemelyanenko finalga yo‘lda amerikalik Frenk Mir va Cheyl Sonenni, Beyder esa hamyurtlari Muhammad Laval va Mett Mitrionni mag‘lub etgan.
Yemelyanenko Bellator tashkiloti bilan 2016 yil noyabrda shartnoma tuzgan. Beyder bilan jang u uchun tashkilotdagi to‘rtinchisi bo‘ldi. Uning Bellator’dagi birinchi jangi Mett Mitriondan mag‘lubiyat bilan yakunlangandi.
Bu mag‘lubiyat 42 yoshli Yemelyanenko uchun faoliyatidagi 6-mag‘lubiyat bo‘ldi. 35 yoshli Beyder endi ikkita vazn toifasidagi chempionlik kamariga ega bo‘ldi. Uning hisobida endilikda 27 ta g‘alaba va 5 ta mag‘lubiyat bor.

Foto: Hans Gutknecht, Los Angeles Daily News/SCNG

Foto: Hans Gutknecht, Los Angeles Daily News/SCNG

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Fyodor Yemelyanenko Bellator gran-prisi finalida nokautga uchradi (foto, video)