00:30 / 02.02.2019
5 699

O‘FA O‘zbekiston terma jamoasi murabbiyi bilan shartnomani uzaytirdi

O‘FA O‘zbekiston terma jamoasi murabbiyi bilan shartnomani uzaytirdi
O‘FA bugun O‘zbekiston terma jamoasi murabbiylar shtabida faoliyat yuritayotgan mutaxassis Denis Ivankov bilan shartnomani uzaytirdi.
Ektor Kuper boshchiligidagi terma jamoamiz shtabida darvozabonlar murabbiyi sifatida ishlayotgan Denis Ivankov bugun O‘FA bilan yangi shartnoma imzolagan. Yaqinda rasman "Nasaf"dan ketgan mutaxassis O‘FA bilan 3 yillik bitimga imzo chekdi.

Qayd etish kerakki, Ivankov bundan buyog‘iga nafaqat milliy termada, balki Olimpiya terma jamoasi murabbiylar shtabida ham faoliyat ko‘rsatadi. Denis Ivankov MTJda Ektor Kuperga, OTJda esa Lyubinko Drulovichga yordam beradi.

Ma’lumot o‘rnida shuni aytish mumkinki, Denis Ivankov "Nasaf"dagi faoliyati davomida turli yoshdagi terma jamoalar va MTJ darajasidagi Eldorbek Suyunov, O‘tkir Yusupov va Umidjon Ergashev kabi iqtidorli posbonlarni tarbiyalashga muvaffaq bo‘ldi. Shuningdek, Ivankov "Nasaf"dan avval ishlagan "Mash’al"dagi faoliyati davomida ham ajoyib posbonlarni chiqarishda jonbozlik ko‘rsatgan. Ulardan biri Sanjar Quvvatov. Ayni paytda Ivankovning barcha shogirdlari terma jamoalarga nomzod darvozabonlar hisoblanadi.

Manba: championat.asia

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » O‘FA O‘zbekiston terma jamoasi murabbiyi bilan shartnomani uzaytirdi