14:41 / 23.02.2019
4 349

Shahram G‘iyosovning navbatdagi jangi sanasi va raqibi ma’lum bo‘ldi

Shahram G‘iyosovning navbatdagi jangi sanasi va raqibi ma’lum bo‘ldi
Professional boksning super yengil (-63,5 kg) vazn toifasida ringga chiqayotgan Shahram G‘iyosov (6-0, 5 KO) 23 fevral kuni (Toshkent vaqti bilan 24 fevral tongida) o‘zining 7-jangini o‘tkazadi. Bu haqda GoSport.uz internet-nashri ma’lum qildi.
Meksikaning Tixuana shahrida o‘tkaziladigan jangda hamyurtimizga meksikalik Edgar Puerta (25-11-1, 19 KO) raqiblik qiladi. Jang 10 raunddan iborat bo‘lishi rejalashtirilgan.

Ma’lumot uchun, Edgar Puerta tajribali raqib sanaladi. U 2014 yilda super yarim yengil (-58,97 kg) vazn toifasida WBC jahon chempionligi uchun yaponiyalik Takashi Miuraga qarshi ringga ko‘tarilgan, biroq imkoniyatni boy bergandi. Bungacha esa u 2012 yilda ikki marta WBC Silver chempionlik kamarini himoya qilgan.

Eslatib o‘tamiz, oldinroq, sportchi navbatdagi jangi 9 mart kuni bo‘lib o‘tishi haqida xabar bergandi. Hozircha mazkur jang o‘tkazilishi yoki o‘tkazilmasligi borasida aniq ma’lumotlar yo‘q.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Shahram G‘iyosovning navbatdagi jangi sanasi va raqibi ma’lum bo‘ldi