Oʻzbek kurashi 2022 yil Xitoyning Xangjou shahrida oʻtkaziladigan XIX yozgi Osiyo oʻyinlarining musobaqalar dasturiga kiritildi. OʻzAʻning yozishicha, bu 2-3 mart kunlari Tailand poytaxti Bangkok shahrida boʻlib oʻtgan Osiyo Olimpiya kengashining navbatdagi Bosh Assambleyasida rasman tasdiqlangan.
Maʼlum qilinishicha, Xangjouda 40 ta sport turi boʻyicha musobaqalar oʻtkaziladi. Jakarta-2018 dasturidan 42 ta sport turi oʻrin olgandi. Qolaversa, Indoneziyadagi musobaqada ishtirokchilar soni ham 11 720 nafarni tashkil etgan boʻlsa, Xitoyda bu boradagi koʻrsatkich 10 000 nafarga kamayishi aytib oʻtildi.
Shuningdek, 2022 yilgi Osiyo oʻyinlari dasturida kriket ham bor. Bu sport turi 2010 yil Guanchjou hamda 2014 yil Incheonda oʻtkazilgan Osiyo oʻyinlari musobaqalariga kiritilgan, ammo 2018 yilgi Indoneziyadagi turnir dasturidan chiqarilgan oʻrin olmagan edi.
Olimpiya tasnifiga kirmagan sport turlari orasida shaxmat, jiu-jitsu, kabbadi, kurash, sepak takrav, rolikda uchish va u-shu ham Xangjou-2022ning rasmiy musobaqalari dasturiga kiritildi.
Eslatib oʻtamiz, oʻtgan hafta Xalqaro Kurash Assotsiatsiyasi prezidenti Haydar Farmon Toshkentda boʻlgan va Oʻzbekiston Milliy olimpiya qoʻmitasi prezidenti Umid Ahmadjonov bilan uchrashgan edi. Unda Muzokaralar yakunida Osiyo oʻyinlarining kurash bahslarida vaznlar toifasini koʻpaytirish boʻyicha kelishuvga erishildi.
Endilikda 2022 yilgi Osiyo oʻyinlaridan boshlab kurash bahslari 15 ta vazn toifasida (7 ta erkaklar, 8 ta ayollar) tashkil etiladi. Shuningdek, erkaklar va ayollar oʻrtasida jamoaviy bellashuvlar ham oʻyinlar dasturidan oʻrin oladi. Shu tariqa, oʻzbek milliy sporti nufuzi Osiyo oʻyinlarida yanada koʻtariladi va kurash bahslarda umumiy hisobda 17 ta medallar jamlanmasi oʻynaladi.
Maʼlumot uchun, 2018 yilgi Osiyo oʻyinlarida oʻzbek kurashi ilk marotaba musobaqa dasturidan oʻrin olgan va 7 ta vazn toifasida bahslar tashkil qilingan edi. Unda oʻzbekistonlik 14 kurashchidan 12 nafari medal olishga muvaffaq boʻlgan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?
