Yevropa Chempionlar Ligasining barcha 1/4 finalchilari maʼlum boʻldi

  • 14 mart 2019, 19:45
  • 1 667
  • Sport
  • Yevropa Chempionlar Ligasining barcha 1/4 finalchilari maʼlum boʻldi
    13 mart, chorshanba kuni Yevropa Chempionlar Ligasi 1/8 finalining soʻnggi 2 ta javob uchrashuvidan soʻng chorak final ishtirokchilari nomi maʼlum boʻldi.

    “Barselona” oʻz maydonida “Lion”ni 5:1 hisobida magʻlubiyatga uchratdi, dastlabki oʻyin durang natija bilan yakunlangandi (0:0). Natijada kataloniyaliklar musobaqaning keyingi bosqichiga chiqdi.

    Angliyaning “Liverpul” jamoasi ham 1/4 final yoʻllanmasini qoʻlga kiritdi. Jamoa Myunxenda boʻlib oʻtgan bellashuvda “Bavariya” ustidan 3:1 hisobida gʻalaba qozondi. Dastlabki oʻyinda darvozalar daxlsizligi saqlanib qolingandi (0:0).

    Quyida Yevropa Chempionlar Ligasining chorak finaliga yoʻl olgan jamoalar nomi keltiriladi:
    “Liverpul”, “Manchester Yunayted”, “Manchester Siti”, “Tottenhem” (barchasi Angliya klublari), “Yuventus” (Italiya), “Barselona” (Ispaniya), “Portu” (Portugaliya), “Ayaks” (Niderlandiya).

    Maʼlumot uchun, 15 mart, juma kuni musobaqaning 1/4 finali juftliklarini aniqlash uchun qurʼa tashlash marosimi boʻlib oʻtadi.

    » » Yevropa Chempionlar Ligasining barcha 1/4 finalchilari maʼlum boʻldi