Top-5: Ishsiz qolgan top murabbiylar

  • 29 mart 2019, 18:30
  • 868
  • Sport
  • Top-5: Ishsiz qolgan top murabbiylar
    “Real” Zineddin Zidanni ortga qaytardi. Klub Solarining ishdan olganidan soʻng , qator mutaxassislar bilan muzokara oʻtkazayotganligi borasida maʼlumotlar berayotgandi. Yakunda esa Zidan yana madridliklar bilan kelishuvga erishdi. Quyida esa ayni vaqtda ishsiz qolib ketayotgan mutaxassislar borasida soʻz yuritamiz.

    Joze Mourino
    Portugaliyalik mutaxassis oʻtgan yilning dekabr oylarida “Manchester Yunayted”ni tark etdi. Uning “qizil iblislar” bilan sarguzashtlari uzoq davom etgani yoʻq. Oxirgi yillarda portugaliyalik mutaxassisdan qandaydir omad qochgandek. Uning jamoalari sovringa ega chiqish jarayonida omadsizliklar girdobida qolib ketmoqda. Mourinoning oʻzi yozda yangi jamoaga ega chiqishini maʼlum qilmoqda. Koʻramiz, uning navbatdagi jamoasi kim boʻlarkin?

    Loran Blan
    PSJdan ketganidan beri Blan birorta klubda faoliyat koʻrsatayotgani yoʻq. 2016 yildan beri fransiya futbolining afsonasi ishsiz qolib ketmoqda. Ammo, yaqinda berilgan maʼlumotlarga koʻra, mutaxassis “Lion” yoki “Monako”da ish boshlashga yaqin turibdi. Bu xabarlarga qanchalik haqiqatga yaqin ekanini vaqt koʻrsatadi.

    Antonio Konte
    “Chelsi” bilan haligacha qator mojarolar ostida qolib ketayotgan mutaxassis ham ancha vaqtdan buyon ishsiz qolib ketmoqda. Konte yaxshi murabbiy, kuchli mutaxassis. “Chelsi”ni APLda chempion boʻlishini taʼminlay oldi. Lekin, Diyego Kostani jamoadan ketishiga asosiy sababchi boʻlgan shaxs sifatida ispan matbuoti u borasida yozishdan charchashmayapti. Konte tez orada birorta top klubda faoliyatini boshlashi kutilmoqda.

    Arsen Venger
    Bu mutaxassisni “Arsenal”dan ketganidan beri, ishsiz yuribdi. Avvalroq Venger biroz muddat dam olmoqchi ekanini aytib oʻtgandi. Fransiyalik mutaxassisning dam olish vaqtlari choʻzilmoqda. Unga PSJdan taklif tushdi. Afsuski, u parijlikar taklifi boʻyicha uzoq vaqt muzokara qilgani yoʻq. Boz ustiga unga Yaponiya terma jamoasi va klublaridan ham chaqiruv boʻlgan edi.

    Andre Villash-Boash
    Murabbiylik kasbi qanchalik shafqatsiz ekanini tushunib yetgan yosh mutaxassis aynan Villash-Boash boʻladi. Bir qarashda, uning kelajagi hali oldinda deyish mumkin. Biroq portugaliyalik murabbiyning oxirgi vaqtlardagi omadsizliklari hammasidan oshib tushdi. Ketma-ket jamoa almashtirish, omadsiz oʻyinlar, sovrinsiz oʻtkazgan damlar oqibatida Villash-Boash Xitoydan taklif tushdi. U bir muddat hamyurtimiz Odil Ahmedov bilan birgalikda “Shanxay SIPG”da faoliyat koʻrsatdi. Afsuski, u yerda ham ishlar yaxshi koʻrinishga kelmaganidan soʻng, Villash 2017 yildan beri ishsiz yuribdi.

    » » Top-5: Ishsiz qolgan top murabbiylar