Boku turnirining finaliga 5 nafar bokschimiz yoʻl olishdi

  • 31 mart 2019, 20:05
  • 675
  • Sport
  • Boku turnirining finaliga 5 nafar bokschimiz yoʻl olishdi
    Biroz avval Ozarbayjon poytaxtida boks boʻyicha davom etayotgan xalqaro musobaqaning yarim final bellashuvlari yakunlandi. Dunyoning 10 dan ziyod mamlakatlaridan kelgan charm choʻlqop ustalari ishtirokida kechayotgan musobaqada vakillarimizdan 5 nafari final yoʻllanmasini qoʻlga kiritdi. Bu haqida MOQ xabar bermoqda. Bugungi bahslar natijasi bilan tanishing:

    -49 kg: Jasurbek Latipov – Shalkar Ayxinbay (Qozogʻiston)
    -49 kg: Nodirjon Mirzaahmedov – Yermek Madiyev (Qozogʻiston)
    -52 kg: Hasanboy Doʻsmatov – Oljas Bayniyazov (Qozogʻiston)
    -60 kg: Shukurjon Rahimov – Javid Chalabiyev (Ozarbayjon)
    -69 kg: Iqboljon Xoldorov – Tamerlan Magomedov (Rossiya)
    -81 kg: Xurshid Abdullayev – Rauf Rahimov (Ozarbayjon)
    -91 kg: Madiyar Saydrahimov – Yunus Balla (Marokash)
    +91 kg: Obidjon Toxirov – Shigabudin Aliyev (Rossiya)

    Yarim finalda imkoniyatni boy bergan bokschilarimiz bronza medaliga ega boʻlishadi. Taʼkidlash joiz, bugungi bahsdan avval Hasanboy Doʻsmatov kichik jarohat olgani uchun murabbiylar unga jang olib borishga ruxsat berishmadi. Ertaga boʻlib oʻtadigan hal qiluvchi bellashuvlarda yurtdoshlarimizga omad tilab qolamiz.

    » » Boku turnirining finaliga 5 nafar bokschimiz yoʻl olishdi