O‘zbek jang san’ati bo‘yicha Osiyo chempionati bo‘lib o‘tdi

  • 08 aprel 2019, 19:47
  • 392
  • Sport
  • O‘zbek jang san’ati bo‘yicha Osiyo chempionati bo‘lib o‘tdi
    Poytaxtimizdagi "O‘zbekiston" sport majmuasida o‘smirlar va yoshlar o‘rtasida o‘zbek jang san’ati bo‘yicha I Osiyo ochiq chempionati o‘tkazildi.

    O‘zbekiston Respublikasi Jismoniy tarbiya va sport vazirligi, mamlakatimiz o‘zbek jang san’ati federatsiyasi tomonidan tashkil etilgan chempionatda hamyurtlarimizdan tashqari Qozog‘iston, Qirg‘iziston va Tojikiston davlatidan kelgan 400 nafarga yaqin sportchilar ishtirok etdi.

    Keskin va murosasiz o‘tgan bellashuvlarda Rahmatjon Ahmadjonov, Abdullox Qobuljonov, Kamron Nurmuhammedov, Sabina Sottiyeva, Zarina Sottiyeva, Madina Asilova, Laylo Noboyeva g‘olib va sovrindorlar qatoridan joy egalladi.

    Chempionat yakunida g‘olib va sovrindorlar tashkilotchilar tomonidan diplom va esdalik sovg‘alari bilan taqdirlandi.

    » » O‘zbek jang san’ati bo‘yicha Osiyo chempionati bo‘lib o‘tdi