Yevropa Chempionlar ligasining 1/4 final javob bahsidan o‘rin olgan "Manchester Siti" – "Tottenxem" uchrashuvi o‘z nihoyasiga yetdi. "Etixad Stedium"da kechgan bahsda mezbonlarning qo‘li baland keldi.
Uchrashuvning dastlabki daqiqalaridanoq gollar-shousi boshlanib ketdi. 4-daqiqada Kevin De Bryuynedan uzatma qabul qilib olgan Raxim Sterling jarima maydoniga kirib keldi va chiroyli zarba bilan hisobni ochdi.
Biroq oradan uch daqiqa o‘tib Son Hin Min muvozanatni tikladi, Emerik Laport to‘pni qaytarishda xatoga yo‘l qo‘ydi, bu xatoni koreyalik futbolchi kechirib o‘tirmadi. Oradan yana uch daqiqa o‘tib, ya’ni 10-daqiqada mezbonlar markazda to‘pni yo‘qotishdi, natijada yuzaga kelgan qarshi hujumni Son chiroyli gol bilan yakunladi.
"Shaharliklar" bu gollarga bir daqiqa o‘tiboq javob qaytarishdi, Serxio Aguerodan uzatma qabul qilib olgan Bernardu Silva darvoza tomon zarba berdi, to‘p himoyachi va posbonga tegib darvozadan joy oldi.
21-daqiqada mankunianlar uchinchi to‘pni ham kiritishdi, de Bryuyne o‘ng qanotdan jarima maydoni tomon yerlatib uzatma berdi, uni o‘tkir burchakda turgan Sterling gol bilan yakunladi.
Ikkinchi bo‘limni mezbonlar qator hujumlar bilan boshlashdi, ketma-ket urinishlar 59-daqiqaga kelib o‘z samarasini berdi. Yana de Bryuyne ajoyib harakatlari bilan himoyachilarni ortda qoldirdi va Agueroni qulay imkoniyatga chiqardi. Argentinalik futbolchi o‘z imkoniyatini ko‘kka sovurmadi.
Mezbonlar o‘zlari uchun kerakli bo‘lgan hisobga erishgach o‘yin tempini biroz pasaytirishdi va buning uchun jazolanishdi. 73-daqiqada Fernando Lorente burchakdan uzatilgan to‘pni darvozaga joylab qo‘ydi.
Qolgan daqiqalarda maydon egalari harchand urinishmasin boshqa to‘p kirita olishmadi. Hakam tomonidan qo‘shib berilgan vaqtda Sterling beshinchi golni urgandi, biroq videotakrorlardan so‘ng ofsayd borligi ma’lum bo‘ldi.
Shu tariqa, “Tottenxem” safarda urilgan gol hisobiga yarim finalga yo‘l oldi. “Man Siti” esa bu safar ham musobaqadagi yurishini erta yakunladi.
Chempionlar ligasi
Chorak final, javob bahsi
Manchester Siti Angliya – Tottenxem Angliya 4:3 (2:2, 2:1)
Gollar: 1:0 – 4 Sterling, 1:1 – 7 Son Hin Min, 1:2 – 10 Son Hin Min, 2:2 – 11 Bernardu Silva, 3:2 – 21 Sterling, 4:2 – 59 Aguero, 4:3 – 73 Lorente.
Manchester Siti – Ederson, Kompani, Mendi (Sane, 84), Uoker, Laport, Silva (Fernandino, 63), Gyundogan, Bernardu Silva, de Bryuyne, Sterling, Aguero.
Tottenxem – Loris, Alderveyreld, Rouz, Tripper, Vertongen, Eriksen, Vanyama, Lukas Moura (Devis, 82), Sissoko (Lorente, 41), Alli, Son Hin Min.
Ogohlantirishlar: Sissoko (41), Son Hin Min (48), Rouz (54), Vanyama (77).
Ilk o‘yin – 0:1
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Germaniyada maktab o‘quvchilari ommaviy ravishda islom dinini qabul qilmoqda
O‘zbekistonda o‘tgan uch oyda qancha avtomobil ishlab chiqarilgan?
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Damas uchun onlayn kontraktatsiya ochiladi
