13:01 / 23.04.2019
2 816

Isroil Madrimov qozog‘istonlik bokschiga yutqazib, medalsiz qoldi

Isroil Madrimov qozog‘istonlik bokschiga yutqazib, medalsiz qoldi
Foto: O‘zbekiston boks federatsiyasi
Bangkokda boks bo‘yicha Osiyo chempionatining yarim finali yo‘llanmasi uchun janglar davom etmoqda.

O‘zbekistonlik bokschilardan bugun birinchi bo‘lib Shukurjon Rahimov (-60 kg) ringga ko‘tarildi. U turkmanistonlik Xursand Imonqulovga qarshi jang olib borib, yarim finalga chiqdi. Ikkinchi raundida Rahimovning qoshi yorilgach, hakam jangni to‘xtatdi; bunga qadar ustunlikka ega bo‘lgan Rahimov ochkolar hisobiga ko‘ra g‘olib deb topildi.

O‘zbekiston terma jamoasi yetakchisi Isroil Madrimov esa (-75 kg) ikkinchi jangida yutqazib qo‘ydi. Uch kun oldin vetnamlik bokschini qiyinchiliksiz taslim etgan Isroil chorak finalda qozog‘istonlik Tursunbay Kulaxmetga qarshi ringga chiqib, ochkolar hisobida imkoniyatni boy berdi.

Foto: O‘zbekiston boks federatsiyasi
23 aprel kungi bahslarda o‘zbekistonlik yana 6 bokschi jang o‘tkazadi.

Kunduzgi dastur:
-91 kg: Sanjar Tursunov – Chingiz Borbashev (Qirg‘iziston)
-60 kg: Rayhona Qodirova – Namuun Monxor (Mo‘g‘uliston)
-75 kg: Mavluda Mavlonova – Vei-Siyen Lin (Xitoy Taypeyi)

Kechki dastur:
-69 kg: Bobo Usmon Baturov – Aslanbek Shimbergenov (Qozog‘iston)
+91 kg: Bahodir Jalolov – Xaipeng Mu (Xitoy)
-64 kg: Maftuna Meliyeva – Suchada Panich (Tailand).

Eslatib o‘tamiz, kechagi bahslarda o‘zbekistonlik 4 nafar bokschi yarim final yo‘llanmasini qo‘lga kiritgan bo‘lsa, jamoaning yana 4 nafar vakili, jumladan Hasanboy Do‘smatov ham mag‘lubiyatga uchrab, musobaqani erta yakunlagan edi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Isroil Madrimov qozog‘istonlik bokschiga yutqazib, medalsiz qoldi