Ispaniya Kubogi finalidan o‘rin olgan "Barselona" – "Valensiya" uchrashuvi o‘z yakuniga tedi. “Benito Vilyamarin” stadionida bo‘lib o‘tgan o‘yinda valensiyaliklarning qo‘li baland keldi.
Uchrashuvni katalonlar ustunlikda boshlashdi, vaqt o‘tgani sayin valensiyaliklar ham faollikni oshirishdi. Birinchi bo‘lib gol urish “ko‘rshapalaklar”ga nasib etdi. 21-daqiqada uzoq davom etgan uzatishlardan so‘ng to‘p Kevin Gameyroga kelib tushdi, hujumchi jarima maydoni ichida Xordi Albani aldab o‘tdi va aniq zarba bilan darvozani ishg‘ol qildi.
Oradan ko‘p o‘tmay “Valensiya” ikkinchi golni urdi, Karlos Soler o‘ng qanotdan tezlik olib, Albani ortda qoldirdi va jarima maydoniga havodan uzatma amalga oshirdi. U yerda Rodrigo boshi bilan darvozaga to‘pni joyladi.
Ikkinchi bo‘limda ko‘k-anorranglilar bosimni oshirishdi, nominal mehmonlar esa qarshi hujumda harakat qilishdi. “Barsa”ning ketma-ket urinishlari 73-daqiqada o‘z samarasini berdi. Burchakdan uzatilgan to‘pni Kleman Langle boshi bilan darvozaga yo‘naltirdi, uni Xaume bartaraf etdi. Qaytgan to‘pga birinchi bo‘lib yetib kelgan Lionel Messi bo‘sh qolgan darvozani ishg‘ol qildi.
Qolgan daqiqalar katalonlarning kuchli bosimi ostida o‘tdi, biroq "Valesiya" futbolchilari qarshi hujumda ikki bor yuz foizlik imkoniyatga ega bo‘lishdi. Dastlab darvozabon bilan birga-bir vaziyatga chiqib borgan Gonsalu Gedesh mo‘ljalda adashgan bo‘lsa, oradan sal o‘tib portugaliyalik futbolchi uzoq masofadan bo‘sh darvozani poylay olmadi. Shu bilan birga Ernesto Valverde shogirdlari ham vaziyatni o‘nglay olmadilar.
Shu tariqa, “Valensiya” o‘z tarixida sakkizinchi bor Ispaniya Qiroli Kubogini qo‘lga kiritdi. So‘nggi bor jamoa 2008 yilda ushbu sovringa ega chiqqandi.
Ispaniya Kubogi, final
Barselona – Valensiya 1:2 (0:2, 1:0)
Gollar: 0:1 – 21 Gameyro, 0:2 – 33 Rodrigo, 1:2 – 73 Messi.
Barselona – Sillessen, Langle, Pike, Alba, Serdji Roberto, Koutino, Buskets, Artur (Vidal, 46), Rakitich (Alenya, 76), Nelson Semedu (Malkom, 46), Messi.
Valensiya– Domenek, Gabriel, Garay, Gayya, Soler, Vass, Koklen, Parexo (Kondogbia, 65), Gedesh, Rodrigo (Diakabi, 88), Gameyro (Pichchini, 72).
Ogohlantirishlar: Gayya (53), Buskets (61), Kondogbia (70), Vidal (89).
***
Gameyroning golini tomosha qiling:
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Qaysi kundalik odatlar immunitet pasayishiga olib kelishini bilasizmi?
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Eron prezidenti jiddiy bayonot berdi: «Isroildan hech narsa qolmaydi»