20:16 / 21.06.2019
2 578

"Dinamo" Nurmetovning dubli evaziga "Lokomotiv"ni mag‘lub etdi

"Dinamo" Nurmetovning dubli evaziga "Lokomotiv"ni mag‘lub etdi
O‘zbekiston chempionatining 12-turidan o‘rin olgan "Dinamo" – "Lokomotiv" uchrashuvi o‘z nihoyasiga yetdi. Samarqandda bo‘lib o‘tgan bahsda mezbonlarning qo‘li baland keldi.

Uchrashuvda hisob 60-daqiqaga kelib ochildi, Qadamboy Nurmetov jarima maydoniga yorib kirdi va aniq zarbasi bilan darvozani ishg‘ol qildi. Bunga toshkentliklar tezda javob qaytarishdi, 64-daqiqada Arslanmurat Amanovning qanotdan uzatgan to‘pini Temurxo‘ja Abduholiqov boshi bilan darvozaga joylab qo‘ydi.

72-daqiqada Nurmetov dublga erishdi, chap qanotdan tezlik olgan Bobur Qosimov markazga uzatmani amalga oshirdi, u yerda Qadamboy bo‘sh qolgan darvozani ishg‘ol qildi.

Qolgan vaqtda ikki jamoada ham bir qator qulay imkoniyatlar yuzaga keldi, biroq shu hisob o‘yin so‘nggiga qadar o‘zgarmadi.

Shu tariqa, samarqandliklar ochkolarini 18 taga yetkazib olgan holda to‘rtinchi o‘ringa ko‘tarilib olishdi.

Sosa Sola Superliga, 12-tur

"Dinamo" – "Lokomotiv" 2:1 (0:0, 2:1)
Gollar:
1:0 – 60 Nurmetov, 1:1 – 64 Abduxoliqov, 2:1 – 72 Nurmetov.

"Dinamo": 1.Botirali Ergashev, 2.Mirkomil Loqayev, 4.Hakimjon A’lamxonov, 7.Jasur Azimov (6.Akmal Xolmurodov, 80), 11.Qadamboy Nurmetov (20.Siroj Hamroyev, 85), 16.Bobur Qosimov, 21.Damir Temirov (28.Obidjon Hakimov, 19), 23.Sardor Eminov, 24.Jasurbek O‘rinov, 27.Ixtiyor Toshpo‘latov, 34.Shohruh Abdurahmonov.

"Lokomotiv": 35.Javohir Ilyosov, 5.Anzur Ismoilov, 7.Azizbek Haydarov (75.Vladislav Fomin, 83), 8.Jamshid Iskanderov, 11.Temurxo‘ja Abduxoliqov, 20.Islom To‘xtaxo‘jayev (77.Diyorjon Turopov, 59), 23.Yovan Jokich (14.Azizbek Amonov, 46), 24.Davronbek Hoshimov, 33.Oleg Zoteyev, 71.Arslanmirat Amanov, 88.Igor Yelich.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » "Dinamo" Nurmetovning dubli evaziga "Lokomotiv"ni mag‘lub etdi