Habibning bokschi Dadashevning o‘limiga munosabati: «Bunday sportdan nafratlanaman»

  • 25 iyul 2019, 13:10
  • 1 729
  • Sport
  • Habibning bokschi Dadashevning o‘limiga munosabati: «Bunday sportdan nafratlanaman»
    Bokschi Maksim Dadashevning o‘limi kabi xabarlardan so‘ng odamlar bir-birini uradigan sportga nisbatan nafrat paydo bo‘ladi. Bu haqda Mutlaq jangchilar chempionatining (UFC) yengil vazn toifasidagi chempioni Habib Nurmagomedov o‘zining Instagram’dagi sahifasida yozdi.
    View this post on Instagram

    Этот случай нам ещё раз доказывает, что спорт это не самое главное, есть вещи куда важнее. Каждый раз когда я вижу или слышу такие новости я начинаю ненавидеть этот спорт, в котором мы друг друга бьем. Все временно, слава, деньги, титулы, и вся наша жизнь, мы все уйдём с этого мира, никто не останется. Стоит задуматься. Терпения всем родным и близким Максима. Творите добро и пусть Всевышний вознаградит нас за наши дела и поступки в следующей жизни, и простит нам наши грехи.

    A post shared by Khabib Nurmagomedov (@khabib_nurmagomedov) on


    20 iyulga o‘tar kechasi Dadashev puerto-rikalik Subriel Matias bilan jang o‘tkazdi. So‘nggi, 12-raund oldidan bahs to‘xtatildi, rossiyalik boshidan olgan og‘ir jarohatlar bilan kasalxonaga olib ketildi. 23 iyul kuni shifokorlar bokschi vafot etganini ma’lum qilishdi.

    «Bu holat bizga sport eng muhim narsa emasligi, undan ham muhimroq narsalar borligini yana bir bor isbotladi. Har safar bunday yangilikni ko‘rganimda yoki eshitganimda, men bir-birimizni uradigan ushbu sport turidan nafratlanishni boshlayman», - deb yozgan Nurmagomedov Dadashevning yaqinlari va do‘stlariga sabr tilab.

    Rossiya Boks federatsiyasi bosh kotibi Umar Kremlyov sportchining o‘limiga izoh berib, tashkilot ushbu voqeani surishtiruvdan o‘tkazishini, Dadashevning oilasiga yordam berishini va sportchi jasadini Rossiyaga olib kelishda ko‘mak ko‘rsatishini aytdi.

    » » Habibning bokschi Dadashevning o‘limiga munosabati: «Bunday sportdan nafratlanaman»