10 ta gol urilgan o‘yinda «Atletiko» «Real»ni tor-mor qildi

  • 27 iyul 2019, 10:17
  • 776
  • Sport
  • 10 ta gol urilgan o‘yinda «Atletiko» «Real»ni tor-mor qildi
    Foto: Twitter/@IChC
    Xalqaro Chempionlar Kubogi doirasida 27 iyul, shanba kuni «Atletiko Madrid» hamshahari «Real»ga qarshi maydonga tushdi.

    AQShda o‘tgan o‘yinda «Atletiko» «Real»ni 7:3 hisobida taslim qildi. «Matraschilar» safidagi gollarga Diyego Kosta (4 ta), Joau Feliks, Anxel Korrea hamda Vitolo mualliflik qildi. «Real»dan esa Nacho, Karim Benzema hamda Xavi o‘z nomiga bittadan gol yozdirib qo‘ydi.

    Qayd etish joiz, jamoalar 65-daqiqadan boshlab 1 tadan kam o‘yinchi bo‘lib harakat qildi. Diyego Kosta hamda Dani Karvaxal hakam tomonidan qizil kartochka bilan jazolandi.

    Shu tariqa «Real» Xalqaro Chempionlar Kubogi musobaqasini 1 ta g‘alaba va 2 ta mag‘lubiyat bilan yakunlashga majbur bo‘ldi.
    «Atletiko» esa hozirgacha ikkita o‘yinda g‘alaba qozondi. Simeone shogirdlari 10 avgust kuni «Yuventus»ga qarshi maydonga tushadi.

    Xalqaro Chempionlar Kubogi

    «Real» — «Atletiko» 3:7
    Gollar:
    0:1 – 1 Diyego Kosta, 0:2 – 8 Joau Feliks, 0:3 – 19 Korrea, 0:4 – 28 Diyego Kosta, 0:5 – 45, penalti Diyego Kosta, 0:6 – 51 Diyego Kosta, 1:6 – 59 Nacho, 1:7 – 70 Vitolo, 2:7 – 85, penalti Benzema, 3:7 – 89 Xavi.

    «Real Madrid» – Kurtua (Navas, 46), Marselo (Beyl, 62), Ramos (Xavi, 62), Odriosola (Karvaxal, 46), Nacho, Isko (Rodrigo, 62), Kroos, Azar (Adri, 62), Modrich (Kubo, 62), Vinisius Junior (Vaskes, 46), Yovich (Benzema, 30).

    «Atletiko» – Oblak, Savich (Felipe, 66), Ermoso (Montero, 66), Trippiyer (Karlos Isaak, 65), Lodi (Sanches, 66), Saul (Errera, 66), Koke (Lorente, 66), Lemar (Sanabriya, 66), Joau Feliks (Vitolo, 66), Diyego Kosta, Morata (Korrea, 13; Kamelo, 66).

    Ogohlantirishlar: Isko (31), Saul (65), Nacho (88).
    Chetlatishlar: Diyego Kosta (65), Karvaxal (65).

    » » 10 ta gol urilgan o‘yinda «Atletiko» «Real»ni tor-mor qildi