«Andijon» hamda «Navbahor» (0:1) jamoalari o‘rtasidagi uchrashuvdan keyingi matbuot anjumanida namangaliklar bosh murabbiyi Deyan Jurjevich o‘yin haqida o‘zining taassurotlari bilan o‘rtoqlashdi.
- O‘yin haqida gapirish qiyin. Ammo meni uchrashuvdan ko‘ra maydonning holati futbolchilarga yaxshiroq to‘p surish imkonini bermagani ko‘proq ranjitdi. Bunday maydonda futbol o‘ynashning o‘zi dahshat. Agar maydonning holati talabga javob berganida uchrashuv yanada tomoshabop ruhda o‘tgan va bundan ishqibozlar ko‘proq huzur olgan bo‘lardilar. Afsuski, buning iloji bo‘lmadi. Jamoamning bunga qadar ikki o‘yinda mag‘lub bo‘lganiga qaramay, vaziyatni o‘nglay olishi mumkinligiga ishonchim komil edi.
Futbolchilarimiz bugun buni amalda ko‘rsatib berishdi. Odatda o‘yinlar qovushmasa va ochkolar qo‘lga kiritilmasa, futbolchilarning xafsalasi pir bo‘ladi. Quvonarlisi shogirdlarim ruhiy o‘radan chiqib ketishdi. Bugun ular g‘alaba qozonish uchun astoydil ter to‘kdilar. O‘z navbatida bunday urinishlar zoye ketmay, omad bizga kulib boqdi. Bugungi bellashuvda qo‘lga kiritilgan uch ochkoning qiymati juda yuqori, deyish mumkin. Chunki shuning evaziga o‘yinchilarimiz ruhan o‘zlarini tiklab oladilar.
Bundan keyin bizga ancha yengil bo‘lishiga ishonyapman. Muhimi, omadsizlikdan xolos bo‘lib, juda kerakli bo‘lgan g‘alabaga erishdik. Shu bilan birga bugungi bellashuvda juda yaxshi o‘yin namoyish etgan «Andijon» klubiga ham minnatdorchilik bildirib o‘tishim kerak. Umid qilamanki, keyingi safar Andijonga kelganimizda maydonning holati bugungidek abgor bo‘lmaydi.
- Siz Andijonga uchinchi bor tashrif buyurdingiz. Bungacha esa Liga Kubogi bahsida «Andijon» va «Navbahor» yoshlari ishtirokidagi o‘yinni kuzatgandingiz. So‘ng chempionat bahsida «Buxoro»ga qarshi o‘yinni ham stadiondan kuzatgandingiz. Ayting-chi, raqibni qanchalik o‘rgangandingiz?
- Albatta, o‘zini hurmat qiladigan har qanday murabbiy bo‘lajak raqibni o‘rganishni paysalga solmaydi. Tabiiyki, «Andijon»ning o‘yinini o‘rgandim. Ammo meni hammasidan ko‘ra ixtiyorimda bo‘lgan jamoa ko‘proq qiziqtiradi. Bellashuv oldidan raqibning o‘yinlarini tahlil qilib, uning kuchli va kuchsiz jihatlarini o‘rgandik. Endi shuni ishonch bilan aytishim mumkinki, «Andijon»ni yaxshi o‘rgangan ekanmiz. Aks holda g‘alaba qozona olmagan bo‘lardik. «Andijon» - juda yaxshi jamoa. Uni oldinda jiddiy raqiblarga qarshi bellashuvlar kutib turibdi. Ayniqsa, yakka peshqadam «Paxtakor» bilan o‘tadigan o‘yinda «Andijon»ga omad tilab qolaman.
- Bugungi uchrashuvni boshqargan hakamlar haqida nima deya olasiz?
- Murabbiylik faoliyatimni boshlaganimga 20 yildan oshgan bo‘lsa ham shu paytgacha hakamlar ishini muhokama qilmaganman. Bundan keyin ham an’anamga sodiq qolishni istayman. Ular o‘z ishlarini bajarishyapti. Murabbiylarga hakamlarning ishiga baho berish yarashmaydi. Hakamlarning ishini nazorat qiladiganlar bor. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Damas uchun onlayn kontraktatsiya ochiladi
Germaniyaning Knauf kompaniyasi Rossiyadan butunlay chiqib ketishini tasdiqladi
Futzal. Osiyo Kubogi. Tojikiston Yaponiyani guruhda qoldirdi
Shveysariya prezidenti Putinga maktub yo‘lladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Zohida Umarova nima sababdan o‘g‘li va kelini bilan birga yashamasligini aytdi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
AQSHning Suriyadagi harbiy bazasiga raketalar hujum qildi
