«Dinamo» - «Buxoro» uchrashuvidan keyin mehmonlar ustozi Muhsin Muhammadiyev o‘yin borasidagi o‘z fikrlarini bildirdi. Bu haqda "Dinamo" klubi matbuot xizmati xabar berdi.
- O‘yin juda qiyin o‘tdi. Ayniqsa, birinchi bo‘lim biz uchun og‘ir o‘tdi. Bizda ham, “Dinamo”da ham qator golli vaziyatlar yuzaga keldi. “Dinamo” tarkibi nomdor emasligiga qaramay, jamoa juda tezkorligini bilardik. O‘ylaymanki, ularning kelajagi bor. Ikkinchi bo‘lim boshida ham bosimga uchradik, ammo yigitlarimiz vaziyatdan chiqib keta olishdi va ketma-ket uchta gol urdik. Bugun jamoa biz talab qilayotgan o‘yinni ko‘rsata oldi.
- Ikki bo‘limni taqqoslasak, “Buxoro” 2-bo‘limda umuman boshqacha o‘yin namoyish etdi. Bu o‘zgarish bugungi o‘yin uchun reja edimi?
- Biz anchadan buyon bunday o‘yin namoyish etishni maqsad qilib kelayotgandik. Afsuski, 4-5 o‘yindan buyon rejalarimiz amalga oshmayotgandi. Ammo yigitlarda bosim borligi bois, jamoamizga ishonch yetishmayotgan edi. Bugun esa o‘ylagan rejalarimiz amalga oshdi. Umid qilamanki, biz uchun keyingi o‘yinlar ham omadli bo‘ladi.
- Samarqandga qaytish siz uchun nimani anglatadi?
- Samarqandni o‘zim uchun ona shahrimdek bilaman. Men bu yerda o‘ynaganman, ajoyib xotiralar bor. Mahalliy muxlislar meni ajoyib kutib olishdi, hurmat ko‘rsatishdi, mehnatlarimni unutmaganlaridan juda xursand bo‘ldim. Ulardan bir umr minnatdorman. Samarqandda azaldan ajoyib muxlislar bor. Muxlislar o‘z vaqtida bu yerda qalbimning bir qismini qoldirganimni eslashadi. Qolaversa, Samarqandda qarindoshlarim ko‘p, shu yerdan uylanganman, qaynonam bor. Shunday ekan, Samarqand men uchun ona shahrimdek gap.
- O‘yindagi “Buxoro”ning bosh rejasi qanday edi?
- O‘yindagi bosh rejamiz qarshi hujumlardan unumli foydalanish edi. Bo‘sh zonalarda tezkor harakat qilib, gol urishni maqsad qilgandik. Rejamiz amalga oshdi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!