Bahodir Jalolov ham chorak finalga chiqdi

  • 17 sentyabr 2019, 23:58
  • 621
  • Sport
  • Bahodir Jalolov ham chorak finalga chiqdi
    Boks bo‘yicha Yekaterinburg shahrida o‘tkazilayotgan jahon chempionatida to‘qqizinchi kun bellashuvlari yakunlandi.
    Eng og‘ir vazn toifasida Bahodir Jalolov (+91 kg) ukrainalik Sonte Rogavaga qarshi jang qilib g‘alaba qozondi va keyingi bosqichga chiqdi.

    Shu tariqa chorak finalga yo‘l olgan o‘zbekistonlik bokschilar soni besh nafarga yetdi.

    Bungacha O‘zbekiston boks terma jamoasining -52 kg vazn toifasidagi vakili Shahobiddin Zoirov, -57 kg vazn toifasidagi Miraziz Mirzaxalilov, -69 kilogramm vazn toifasidagi Bobousmon Baturov va -81 kilogramm vazn toifasidagi Dilshodbek Ro‘zmetov chorak final yo‘llanmasini qo‘lga kiritishgandi.

    Terma jamoaning uch vakili esa turnirdagi ishtirokini erta yakunladi. Biroz oldinroq, -91 kg vazn toifasidagi Sanjar Tursunov hindistonlik Sanjit Sanjitga yutqazib, turnirdagi ishtirokini yakunladi. Ungacha -75 kg vazn toifasi vakili Fanat Qahramonov va -63 kg vazn toifasidagi Elnur Abduraimov ham turnirni nimchorak finaldan tark etgandi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Bahodir Jalolov ham chorak finalga chiqdi