Ronaldu: Messining kechagi «Oltin to‘pi» haqida...

^{Foto: «Football 24»}
Kecha «Barselona» klubi va Argentina terma jamoasi yulduzi Lionel Messi FIFA tomonidan yilning eng yaxshi o‘yinchisi deb topilgani haqida xabar bergandik.
U sovringa da’vogarlar — Virjil van Deyk («Liverpul», Niderlandiya) va Krishtianu Ronalduni («Yuventus», Portugaliya) ortda qoldirdi.

Negadir besh karra «Oltin to‘p» sohibi Krishtianu Ronaldu «FIFA The Best» taqdirlash marosimiga bormadi, holbuki u yilning ramziy jamoasiga qabul qilingan, eng yaxshi o‘yinchi bo‘lish uchun uch nomzoddan biri edi. Buning ustiga marosim Milanda — Ronaldu hozir yashayotgan Turindan bir-ikki soatlik masofada bo‘lib o‘tdi.

View this post on Instagram

Paciência e persistência sao duas caracteristicas que diferenciam o profissional do amador. Tudo o que hoje é grande um dia começou pequeno. Você não pode fazer tudo, mas faça tudo o que puder para transformar seus sonhos em realidade. E procure manter em mente que depois da noite sempre vem o amanhecer. LR

A post shared by Cristiano Ronaldo (@cristiano) on Sep 23, 2019 at 1:20pm PDT

Ronalduning marosimga bormagani uning boshqa ishlar bilan chalg‘iganini anglatmaydi: FIFA Messini «eng yaxshi» deb topishi bilan «Instagram»da Krishtianu Ronaldu o‘ziga xos javob qoldirdi. Ilova qilingan suratda esa Ronaldu kitob o‘qiyapti...

«Bardosh va qat’iyat — professionalni havaskordan ajratib turuvchi ikki asosiy farq shu. Bugun juda buyuk ko‘ringan narsalar aslida mayda narsalardan boshlangan. Hammasini uddalay olmasligingiz mumkindir, ammo orzularingiz ro‘yobga chiqishi uchun qo‘lingizdan kelganini qilasiz. Va tun o‘tib, yana tong otishini aslo unutmaysiz», — deb yozdi Krishtianu Ronaldu. “Zamin” yangiliklarini “Telegram”da kuzatib boring