Janubiy Koreyada yig‘in tashkil etgan O‘zbekiston olimpiya terma jamoasi bugun koreyalik tengqurlariga qarshi ikkinchi o‘rtoqlik o‘yinini o‘tkazdi. Qiziqarli ko‘rinish olgan bellashuv yakunida vakillarimiz 2:1 hisobida g‘alaba qozonishdi.
O‘yindan keyin o‘tkazilgan matbuot anjumanida terma jamoamiz ustozi Lyubinko Drulovich quyidagicha fikr bildirib o‘tdi:
- Biz bir hafta davomida Koreyada yig‘in o‘tkazdik va ushbu yurt olimpiya terma jamoasi bilan 2 ta o‘rtoqlik o‘yinida maydonga tushdik. Har ikki o‘yin ham biz uchun juda ham foydali bo‘ldi, deb o‘ylayman. Zero Janubiy Koreya olimpiya terma jamoasi qit’adagi yetakchilardan biri sanaladi. Bunday raqib bilan o‘yinda bizda qaysi chiziqlarda kamchilik bor ekanini ko‘rib olish mumkin.
Bevosita bugungi o‘yin haqida to‘xtaladigan bo‘lsam, birinchi bo‘limni biroz bo‘sh o‘tkazdik. Kam qulay vaziyatlar yuzaga keldi va qolaversa, ko‘plab vaziyatlarda kutilmagan xatolarga yo‘l qo‘yildi. Lekin ikkinchi bo‘limni ancha ishonchli tarzda o‘tkaza oldik. To‘p nazoratini qo‘lga olib, raqibni bosim ostida ushlashga intildik. Yaratilgan vaziyatlardan unumli foydalanishda ham faol harakat qildik. Yakunda esa o‘yinni foydamizga hal etishning uddasidan chiqdik.
Hali oldinda Osiyo chempionatiga qadar 3 oy vaqt mavjud. Kelasi oylarda ham yig‘in hamda o‘rtoqlik o‘yinlari o‘tkazamiz. Qit’a birinchiligiga yuqori darajada tayyorgarlik olib borishga urinamiz, - deya o‘z fikrlarini bildirdi tajribali mutaxassis.
O‘FA matbuot xizmati
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Dubay hukmdorining eng go‘zal qizi qanday hayot kechiradi?
Rossiya Ukrainaning harbiy dron yig‘uv inshootlarini yo‘q qildi
«Krokus»dagi hujum bo‘yicha sakkizinchi ayblanuvchining ismi oshkor qilindi
Rossiya qo‘shinlari Avdeyevkadagi ikkita qishloqni egallab oldi
AQSH politsiyachilarining «aqlli qarori» Legoga ma’qul kelmadi
Rossiya G‘azoga 29 tonnadan ortiq insonparvarlik yordami jo‘natdi
Erdo‘g‘on terrorchilar haqida keskin gapirdi
AQSH rasmiylari: Millionlab amerikaliklar xitoylik hakerlar hujumiga uchragan