Koronavirus sabab “Yuventus”—“Inter” va A Seriyaning yana to‘rtta o‘yini tomoshabinlarsiz o‘tadi

Futbol bo‘yicha Italiya chempionatining 26-turidan o‘rin olgan bir qator uchrashuvlar koronavirus sabab tomoshabinlarsiz o‘tkaziladi.
A Seriya qaroriga ko‘ra, 26-turning beshta o‘yini bo‘sh stadionlarda o‘tkaziladi. Ular qatoridan turning markaziy bahsi «Yuventus» — «Inter» uchrashuvi ham o‘rin olgan.

Quyidagi uchrashuvlar tomoshabinlarsiz o‘tadi:

«Udineze» — «Fiorentina» (29 fevral)
«Yuventus» — «Inter» (1 mart)
«Milan» — «Jenoa» (1 mart)
«Sassuolo» — «Breshia» (1 mart)
«Parma» — SPAL (1 mart)

Eslatib o‘tamiz, avvalroq «Inter» Yevropa Ligasi 1/16 final javob bahsi doirasidagi «Ludogores»ga qarshi o‘yinni bo‘sh arenada o‘tkazgandi.
Italiya shimolida 580 dan ortiq kishi koronavirusga chalingan, shuningdek, 17 nafar odam vafot etgan. “Zamin” yangiliklarini “Odnoklassniki”da kuzatib boring