«Barcelona»ning taklifini rad etgan 10 futbolchi

  • 14 fevral 2015, 11:11
  • 3 977
  • Sport
  • «Barcelona»ning taklifini rad etgan 10 futbolchi

    Har bir futbolchi yoshligida qaysidir klubda to‘p surishni orzu qiladi. O‘z ustida ishlagan, tinimsiz mashaqqatlarda toblangan futbolchiga bir kun kelib dunyoning grand klublaridan ajoyib takliflar tushishi tabiiy. Bugun sizlar bilan Kataloniyaning «Barcelona» klubidan tushgan takliflarni rad etgan charm to‘p ustalari haqida fikr yuritamiz.

    1. O‘ziga xos reytingni «Real»ning asosiy futbolchisi Krishtianu Ronaldu ochib beradi.

    2009 yil u «Manchester»dan ketar chog‘ida Madridga ko‘chib o‘tishni istagandi. Biroq ser Aleks Ronalduni «Barcelona» mutasaddilariga taklif qildi. O‘z-o‘zidan kataloniya rahbarlari ham bu futbolchini o‘z tarkibiga qo‘shib olishni istashadi. Biroq madridliklar sobiq prezidenti Roman Kalderon Ronaldu faqat Madridga keladi, deya barcha masalaga oydinlik kiritgandi.

    2. Antuan Grizman

    Futbolchining aytishicha, u «Real Sosedad»da 2010 yil o‘ynab yurgan kezlari Kataloniya klubidan taklif tushgan. «2009/2010 yilgi mavsumda «Barcelona» agentim bilan muzokara olib borgan. Ular meni dastlab «Barcelona B»da, keyin o‘yinim ma’qul kelsa, bosh jamoaga o‘tishimni aytishgandi. O‘shanda o‘z jamoam bilan endigina Segundadan qaytganimiz bois, u erga yana qaytishni istamaganman», – deydi Grizman.

    3. David Luis
    2013 yil David Luis Kataloniyaga ko‘chib o‘tishiga bir bahya qolgandi. «Ha, menga «Barcelona»dan taklif tushgandi, ammo o‘zim rad etdim. Terma jamoadagi sheriklarim Neymar va Dani Alves «Barcelona» libosini kiyishga rosa undashgandi. Taklifni rad etishda hech kimning aloqasi bo‘lmagan. Hammasi o‘zimning xohishim bilan bo‘lgan», – deya izoh beradi Luiz.

    4. Keysuke Xonda
    2013 yil yaponiyalik futbolchi SSKA bilan shartnomasini uzaytirmaslikni ochiqchasiga aytganidan keyin bir qancha klublardan taklif tushdi. Xonda bolalikda «Milan» safida o‘ynashni orzu qilgan va shu yili niyatining ro‘yobi amalga oshishi uchun qulay vaziyat yuzaga keldi. Shu o‘rinda kataloniyaliklar ham yapon futbolchisini o‘z safiga qo‘shib olish uchun bir urunib ko‘rishdi, biroq Xonda bolalikdagi orzusi armonga aylanib qolishini istamadi.

    5. Tibo Kurtua
    Viktor Valdes «ko‘k-anorranglilar»ni tark etishi ma’lum bo‘lgach, jamoada darvozabon muammosi ochiqchasiga ko‘rinib qoldi. Qiziqish doirasida Kataloniya klubi Tibo Kurtuaga ham shartnoma taklif qildi. Lekin belgiyalik posbon «Chelsi»ga qaytishni lozim topdi.

    6. Branislav Ivanovich
    2013 yili Evropa ligasining finalidan so‘ng «Barca» o‘ng qanot himoyachisi bilan muzokaralarni boshlab yubordi. «Mourino jamoaga qaytganidan so‘ng u bilan transferim borasida gaplashib oldik. U menga shunday so‘zlar aytdiki, jamoani tark eta olmadim. Menga klubdagi o‘rnim qay darajada muhim ekanligini uqtira oldi», – deydi futbolchining o‘zi.

    7. Rafael Varan

    Oxirgi yozgi transfer chog‘ida «Barca» markaziy himoyachi qidirish bilan qattiq band bo‘ldi. Varan uchun 20 million evro taklif qilindi, ammo futbolchining o‘zi Ramos va Pepe soyasida qolib ketsa ham Kataloniya klubiga o‘tmasligini aytb o‘tdi.

    8. Koke
    O‘tgan mavsumdagi ajoyib o‘yinlaridan so‘ng Kokeni bir qator klublar o‘z safiga qo‘shib olishni rejalashtirishdi. Ular orasida «Barcelona» ham bor edi. Lekin Koke barcha takliflarni rad etdi. Xususan, kataloniyaliklarning taklifi haqida shunday dedi: «Albatta, mana shunday top-klub sen haqingda qiziqib, taklif bildirsa, yoqimli. Lekin men «Atletiko»da qolishni istayman. Ayni damda mening uyim Madridda».

    9. Marko Roys
    Marko Roys mavzusi Bundesligada muhokama qilingan eng katta bahslardan birini bo‘ldi. «Barcelona» o‘ziga qo‘yilgan cheklov tufayli Roysga 2016 yilgacha chidab turishni aytdi. Lekin Marko buni qabul qilmadi. «Men «Barca»da qaysi chiziqda o‘ynayman? Mening chizig‘imda Messi, Neymar va Suares triosi harakat qiladi. Qisqasi, menga u erda joy yo‘q», – deydi Roys.

    10. Xuan Kuadrado

    Bir necha kun oldin «aristokratlar» orasiga qo‘shilgan Kuadrado hujumni sevadigan futbolchilar toifasidan ekanligi sir emas. «Barcelona» unga qanot yarim himoyasidan joy taklif qildi. Chempionlar ligasidagi o‘yinlarni, unda gollar kiritishni muhimroq deb hisoblagan kolumdiyalik futbolchi bu taklifni rad etgan.

    Manba: www.std.uz

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » «Barcelona»ning taklifini rad etgan 10 futbolchi