O‘zbekiston termasi yutolmagan raqiblar

  • 15 fevral 2015, 12:01
  • 4 596
  • Sport
  • O‘zbekiston termasi yutolmagan raqiblar

    O‘zbekiston milliy terma jamoasi bugunga qadar 47 ta terma jamoaga qarshi maydonga tushgan. Ana shu raqiblar orasida hamyurtlarimiz 11 tasini mag‘lub eta olishmagan. Demak ana shu raqiblar bilan tanishing.

    1. Avstraliya. 3 o‘yin, 3 mag‘lubiyat. To‘plar nisbati: 0-9
    O‘zbekiston terma jamoasi tarixidagi eng noqulay raqiblardan biri hisoblanadigan Avstraliyani mag‘lub etish uyoqda tursin, vakillarimiz hattoki durangga ham erisha olishmagan. Buning ustiga «yashil qit’a» vakillariga qarshi kechgan 3 o‘yinda birorta ham gol ura olishmagan. To‘plar nisbati ham daxshatli ko‘rinishga ega 0:9. Avstraliya termamizni 2011-yilgi Osiyo kubogi yarim finalida 6:0 hisobida mag‘lub etganini ta’kidlab o‘tish joiz.

    2. Estoniya. 2 o‘yin, 2 durang. To‘plar nisbati: 3-3
    Terma jamoamiz Evropa qit’asi vakili bo‘lgan Estoniya termasiga qarshi 2 ta o‘rtoqlik o‘yini o‘tkazgan. Dastlabkisi 2007-yili Toshkentda bo‘lgan va unda hisob ochilmagan edi. Ikkinchi bahs esa Tallinda o‘tkazildi va tomonllar 3:3 hisobidagi durangga imzo chekishdi. Shu tariqa Estoniya bizdan yutqazmagan navbatdagi raqibga aylandi.

    3. Belarus. 2 o‘yin, 1 durang, 1 mag‘lubiyat. To‘plar nisbati: 3-4
    Belarus terma jamoasi bilan ham 2 ta o‘rtoqlik uchrashuvi o‘tkazilgan. Dastlabki o‘yin Minsk shahrida bo‘lgan va unda tomonlar 2:2 hisobidagi murosa ko‘chasini tanlashgan. Javob o‘yinida esa Evropa vakili Toshkentdan 2:1 hisobidagi g‘alaba bilan qaytgan.

    4. Nigeriya. 2 o‘yin, 2 mag‘lubiyat. To‘plar nisbati: 2:4
    O‘zbekiston termasining Afrikalik yagona raqibi Nigeriya hisoblanadi. Hamyurtlarimiz Nigeriyaliklar bilan Afro-Osiyo kubogida uchrashishgan. Ilk o‘yin Toshkentda kechgan va unda qora qit’a vakillari 3:2 hisobida g‘alaba qozonishgan. Javob o‘yinida ham Nigeriyaliklar kichik hisobda zafar quchishgan.

    5. Ukraina. 2 o‘yin, 2 mag‘lubiyat. To‘plar nisbati: 1-4
    Ukraina termasi ham bizga 2 marta raqib bo‘lgan. Har ikkala o‘yin ham o‘rtoqlik doirasida bo‘lib Kievda o‘tkazilgan. 2007-yilda Ukrainaliklar 2:0 hisobida, 2011-yilda esa 2;1 hisobida g‘alaba qozonishgan.

    6. Armaniston. 2 o‘yin, 2 mag‘lubiyat. To‘plar nisbati: 1-5
    Vakillarimiz armanlar bilan ham 2 marta ro‘baro‘ kelishgan va ularga ham har ikkala o‘yinni boy berishgan. Dastlabki bellashuv 2001-yilda «Albina Mobitel» kubogi o‘yiniga to‘g‘ri kelgan unda raqibimiz 2:0 hisobida g‘alabaga erishgan. Ikkinchi bahs esa Erevanda o‘rtoqlik maqomida bo‘lib o‘tgan va mezbonlar 3:1 hisobida yutuqqa erishishgan.

    7. Suriya. 1 o‘yin, 1 mag‘lubiyat. To‘plar nisbati: 1-2
    Suriya termasi bizga bir marta raqib bo‘lgan bo‘lsa ham, eng muhim o‘yinda termamizni mag‘lub etgan edi. 1996-yilgi Osiyo kubogining 3-turida vakillarimizni Suriya bilan o‘yinda durang ham guruhdan olib chiqar edi. Afsuski Suriyaliklar o‘shanda 2:1 hisobida g‘alaba qozonishgan edi.

    8. Albaniya. 1 o‘yin, 1 mag‘lubiyat. To‘plar nisbati: 0-1
    Albaniya bilan o‘tkazilgan yagona uchrashuv 2010-yilda Durresda bo‘lib o‘tgan edi. O‘rtoqlik uchrashuvi maqomiga ega bo‘lgan bahsa Evropa qit’asi vakili kichik hisobda zafar quchdi.

    9. Chernogoriya. 1 o‘yin, 1 mag‘lubiyat. To‘plar nisbati: 0-1
    O‘zbekiston termasi Chernogoriya bilan 2011-yilda Podgorisada o‘rtoqlik uchrashuvi o‘tkazdi. Afsuski o‘yinning so‘nggi soniyalarida Chernogoriyalik Vukchevishning yagona goli mezbonlarga g‘alabani tuhfa qildi. Vakillarimiz esa uyga quruq qaytishga majbur bo‘lishgandi.

    10. Isroil. 1o‘yin, 1 mag‘lubiyat. To‘plar nisbati: 0-2
    2001-yili O‘zbekiston terma jamoasi Isroilda mezbonlarga qarshi o‘rtoqlik o‘yinida maydonga tushdi. Evropa qit’asi vakillarining birinchi bo‘limda urgan ikkita goli o‘yinga «nuqta» qo‘ygan edi.

    11. Slovakiya. 1 o‘yin, 1 mag‘lubiyat. To‘plar nisbati: 1-4
    Slovakiya terma jamoasi bilan 2002-yilda uchrashganmiz. O‘shanda mezbonlar hamyurtlarimizni ayab o‘tirishmadi va yirik 4:1 hisobida g‘alaba qozonishdi. Termamizning yagona javob goliga Zayniddin Tojiev mualliflik qilgan edi.

    Furqat Yusupov
    Manba: www.Furkat.uz

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » O‘zbekiston termasi yutolmagan raqiblar