Messi La ligadagi 300-o‘yinda 3ta gol urdi

  • 15 fevral 2015, 23:09
  • 4 454
  • Sport
  • Messi La ligadagi 300-o‘yinda 3ta gol urdi

    «Barselona» ham Ispaniya La ligasining 23-turida g‘alaba qozondi va "Real" bilan oradagi farq 1 ochko qolishini ta’minladi.

    Ushbu o‘yin "Barselona" tarkibida ikkita e’tiborga molik holat kuzatildi. Lionel Messi La ligadagi 300-o‘yinda maydonga tushgan bo‘lsa, Pedro "Barsa" tarkibida barcha musobaqalarda o‘zining 300-o‘yinida harakat qildi. Lionel o‘zining yubiley o‘yiniga "xet-trik" sovg‘a qilgan bo‘lsa, Pedro bugun bitta golga hammualliflik qildi.

    "Levante" "Kamp Nou"da deyarli mezbonlarga qarshilik ko‘rsata olmadi. Mehmonlar golga tortadigan vaziyatni yarata olishmadi. Messi raqib darvozasini 3 marta ishg‘ol qilishdan tashqari (bittasi penaltidan), Neymarning goliga assistentlik qildi. Luis Suares ijrosidagi so‘nggi gol esa juda chiroyli chiqdi. Urugvaylik futbolchi chalqancha uslubda zarba yo‘llab, darvozani ishg‘ol qildi. 5:0!

    Ushbu g‘alabadan keyin "Barselona" ochkolari sonini 56taga etkazib oldi ("Real"da 57ta). Messi esa La liga doirasida ushbu mavsumdagi gollari sonini 26taga etkazdi. Endi u Ronaldudan 2ta to‘p ortda bormoqda.

    Ispaniya La ligasi, 23-tur
    "BARSELONA" - "LEVANTE" - 5:0

    Gollar: 1:0 – 17 Neymar, 2:0 – 38 Messi, 3:0 – 59 Messi, 4:0 – 65, penalti Messi, 5:0 – 73 Suares.
    "Barselona": Bravo, Montoyya, Bartra, Adriano, Xavi, Maskerano, Pedro, Buskets, Rakitich (Roberto, 62), Messi, Neymar (Suares, 67).
    "Levante": Marino, Tono, Navarro, Ramis, Lopes (Jeyson, 71), Diop (Mari, 78), Simao, Shumetra, Morales, Uche (Kasadesus, 62), Barral.
    Ogohlantirishlar: Ramis (64), Barral (68), Buskets (77).

    Manba: www.stadion.uz.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Messi La ligadagi 300-o‘yinda 3ta gol urdi